La ŝanĝiĝoj de la trafiko de Ĉinio en la pasintaj 30 jaroj videblas tra serio da ciferoj.

La Trafika kaj Transporta Ministerio de Ĉinio publikigis lastatempe serion da ciferoj:

1. Konstruado de ŝoseoj. De la lastaj 30 jaroj la totala longeco de ŝoseoj kreskis de 890 mil kilometroj al 3580 mil kilometroj; la investo pliiĝis de 490 milionoj da juanoj en 1978 al 649 miliardoj da juanoj en 2007. Je 13 jaroj pli frue realiĝis interligo de la ŝtataj ŝoseoj kun la totala longeco de 35 mil kilometroj.

2. Konstruado de aǔtovojoj. De 1988, kiam ekfunkciis la unua aǔtovojo de Ŝanhajo al Jiading, ĝis la fino de 2007 la longeco de aǔtovojoj superis 54 mil kilometrojn, kaj per tio Ĉinio okupas la duan lokon tiukampe en la mondo.

3. Konstruado de ŝoseoj en la kamparo. Je la komenco de reformado kaj pordo-malfermo la ŝoseoj en la kamparo longis 590 mil kilometrojn. Ĝis 2007 la totala longeco de ŝoseoj en la kamparo atingis 3130 mil kilometrojn. 99% de la gubernioj kaj 88.2% de la vilaĝoj estas atingeblaj per ŝoseoj.

4. Konstruado de pontoj kaj tuneloj. Ĉinio konstruis pontegojn kun la bazo en profunda akvo kaj grandaj spanoj. En 2007 estis lanĉitaj du mondnivelaj pontegoj: transmara 36-kilometra pontego super Hangzhou-golfo kaj Suzhou-Nantong-a pontego super Yangzi-rivero kun la spano mil-metra. Krome, Ĉinio konstruis longajn tunelojn, ekzemple tiuj tra la montoj Zhongliang kaj Liupan. 18-kilometra tunelo Qinling-Zhongnansha-a estis finkonstruita en 2008.

Disvolvo de la konstruado de ŝoseoj ludas gravan rolon por akceli konstruadon de la unuiĝinta merkato, realigi efikan distribuadon de materialoj, akordigi regionan disvolvadon, altigi nivelon de malfermeco, antaǔenpuŝi disvolviĝon de la nacia ekonomio kaj progreson de la socio. Ŝosea trafiko ankaǔ ŝanĝis ideojn kaj vivmanierojn de la popolanoj kaj multe altigis ilian vivnivelon.