Propono pri aperigo de averta bildo sur cigaredo-skatoloj estos prezentota al la du sesioj

Lastatempe komenciĝis en Pekino kolektado de opinioj de retumantoj pri aperigo de averta bildo sur cigaredo-skatoloj. En gazetara konferenco pri la opinio-kolektado fakuloj diris, ke en Ĉinio pakado de cigaredoj ne konformas al la internacia normo pri sano-averto, kaj proponis prezenti aperigon de averta bildo sur cigaredo-skatoloj al la du sesioj baldaǔ okazontaj.

Wu Yiqun, vicdirektoro de la centro de esploro pri sano kaj disvolvo, diris: “Nun sur cigaredo-skatoloj avertaj vortoj estas aǔ tro malgrandaj aǔ neokulfrapaj, aǔ tute mankas. Tio ne povas efike averti pri damaĝo de fumado.” Kiel kontraktinto-lando de la "Frama Konvencio pri Tabaka Kontrolo de la Monda Organizaĵo por la Sano", Ĉinio devas sekvi la normon de la konvencio, ke avertaj vortoj okupu 50% de la videbla parto de la cigaredo-skatolo, kaj aperigi avertan bildon pri damaĝo de fumado al la sano. Tamen en Ĉinio pakado de cigaredoj tute ne atingis la normon. Organizanto de la kolektado de opinioj publikigis rezulton de la enketo al 16 mil homoj en 40 urboj kaj 20 provincoj, ke evidenta avertado pri damaĝo de fumado al la sano kaj bildo kun avertaj vortoj sur cigaredo-skatoloj povas ebligi al pli ol 90% de fumantoj Ĉesi fumi.

Skatolo de eksportaj cigaredoj faritaj de Ĉinio

La agadon kunorganizis la oficejo de la kampanjo Nefumado en Ĉinio, kanalo de la retejo Sohu por la publika intereso kaj aliaj unuoj cele konigi al la homoj damaĝon de fumado kaj dezajni avertbildon por cigaredo-skatoloj.