Ŝanĝiĝo de Tibeto tra la ciferoj

La 17-an de decembro s-ro Deji, vicprezidanto de la Tibeta Aŭtonoma Regiono, diris en kunveno memore al la 30-jariĝo de reformado kaj pordo-malfermo, ke la pasintaj 30 jaroj estis periodo de senprecedenca liberigo de produktaj fortoj kaj rapidega disvolviĝo de ekonomio kaj socio en Tibeto.

Statistikoj montras, ke en 2007 tibeta GDP atingis 34.219 miliardojn da juanoj (1 usona dolaro = ĉ.7 juanoj), kiu kreskis 15.8-oble kompare kun tiu en 1978; kaj la pokapa GDP aingis 12109 juanojn, je 9.4-obloj pli multe ol tiu en 1978; en la tuta regiono la totala financa enspezo atingis 2.314 miliardojn da juanoj, kiu estis nur 16 milionoj da juanoj en 1978. De 2001 la tibeta ekonomio kreskis po 12% en la pasintaj 7 jaroj.

De 1978 la centra registaro aranĝis aron da gravaj konstruaj projektoj, kiuj rimarkinde plibonigis la bazajn instalaĵojn. En la 3-a kaj 4-a laborkunvenoj pri Tibeto la ĉina centra registaro difinis 62 kaj 117 gravajn konstruajn projektojn, por kiuj oni investis 4.86 kaj 32.09 miliardojn da juanoj respektive. En januaro de 2007 la Ŝtata Konsilantaro de Ĉinio difinis 180 projektojn por la 11-a Kvinjara Plano de Tibeto kun totala investo de 109.76 miliardoj da juanoj. Aliaj provincoj de Ĉinio helpis Tibeton konstrui 2861 projektojn kun totala investo de 9.3 miliardoj da juanoj.

S-ro Deji diris, ke en la pasintaj 30 jaroj la vivo de la tibetanoj multe pliboniĝis kaj nun ili iras al ĝenerala bonhaveco.

Nun sociaj aferoj en Tibeto multe disvolviĝas. En 2007 enlernejiĝa proporcio de elementa, meza kaj alta lernejoj respektive atingis 98.2%, 90.8% kaj 17.4%. La rajto de la popolanoj pri eduko estas garantiata. En la tuta regiono troviĝas 1339 kuracaj establoj, je 484 pli multe ol tiuj en 1978; la averaĝa vivdaŭro de tibetanoj atingis 67 jarojn, kiu antaǔ 60 jaroj estis nur 35.5.

En la pasintaj 30 jaroj la vivnivelo de tibetanoj multe leviĝis. En 1978 la pokapa neta enspezo de tibetaj kamparanoj kaj paŝtistoj estis 175 juanoj, sed en 2007 jam 2788 juanoj. En 1978 la pokapa disponebla enspezo de tibetaj urbanoj estis 565 juanoj, sed en 2007 ĝi atingis 11131 juanojn. En 2007 la deponita monsumo de tibetaj loĝantoj atingis 16.013 miliardojn da juanoj, 500-oble pli multe ol tiu en 1978.