Aktualajhoj Unua paĝo >> Socio >> Fokusaj temoj


Jia Zhibang: duono de marĉejoj estos efike protektata antaǔ 2010

de YU WENJING

Okaze de la 13-a Monda Marĉeja Tago, Jia Zhibang, estro de la Ŝtata Forstuma Administracio de Ĉinio, akceptis intervjuon. Li diris, ke marĉejoj ludas gravan rolon en protektado al la ekologia ekvilibreco de la tero. Marĉejoj estas ankaǔ unu el la gravaj karbonaj rezervejoj de la mondo kaj ludas tre gravan rolon por mildigi klimatajn ŝanĝiĝojn. La karbona rezerva kvanto en marĉejoj de la mondo estas 77 miliardoj da tunoj, kiu konsistigas 35% de tiu de la kontinenta ekologia sistemo. En Ĉinio estas pli ol 550 marĉejaj rezervejoj. Ĉinio strebos por ke 50% de la naturaj marĉejoj kaj 70% de la gravaj marĉejoj estu efike protektataj en la jaro 2010, kaj starigos protektan reton kun konvena strukturo kaj optimuma funkcio por konservi la areon kaj funkcion de marĉejoj.

Jia diris, ke de la lastaj jaroj Ĉinio pli kaj pli multe atentas protektadon al marĉejoj. Ellaborado de la ĉina regularo por protektado al marĉejoj glate iras; ok provincoj kaj aŭtonomaj regionoj de Ĉinio publikigis siajn proprajn regularojn pri marĉejo-protektado; la marĉejo-protekta sistemo perfektiĝas kaj esplorado pri marĉeja resurso prove iras en iuj lokoj.

La "Teknologia Regularo de Esploro pri Marĉejoj" faris bazon por la dua tutlanda esplorado pri marĉejoj en 2009; la internacia teknologia regularo pri monitorado de marĉejoj estas ellaborita kaj provpraktikata; du jarojn post praktikado de la "Ŝtata Plano por Efektivigo de la Programo de Marĉejo-Protektado", la Ŝtata Forstuma Administracio kaj koncernaj departementoj sankciis ĉirkaǔ 200 programojn koncernajn al marĉejo-projektado, kaj la "Ĝenerala Plano pri Ekologia Protektado kaj Konstruado de Natura Rezervejo ĉe la Fonto de Tri Riveroj en Qinghai-Provinco" kaj aliaj specialaj planoj estas praktikataj; pro propagando evidente altiĝis konscio de la publiko pri la protektado.

Laǔ statistiko, la marĉejoj de Ĉinio konservas 2700 miliardojn da tunoj da dolĉa akvo, kiuj konsistigas 96% de la totala kvanto de la dolĉa akvo uzebla en Ĉinio, kaj ludas gravan rolon por rezisti kontraǔ sekeco aǔ inundo kaj por purigi dolĉan akvon. Kiel biologia geno-banko marĉejoj kovas kaj konservas riĉan biodiversecon kaj donas al la homaro rizon, akvoproduktaĵojn kaj marĉplantaĵojn.

“Ĉinio atingis rimarkindan sukceson en plenumado de la 'Konvencio pri Marĉejoj' kaj internaciaj kunlaboroj,” diris Jia Zhibang. En la deka konferenco de kontraktintaj landoj de la "Konvencio pri Marĉejoj", Ĉinio estis refoje elektita kiel membro de la konstanta komitato de la konvencio. Krome, marĉejo-protektado estis enlistigita en la programojn de la "Dekjara Kunlaboro pri Fueloj kaj Medio inter Ĉinio kaj Usono". Ĉinio starigis ankaǔ kunlaborajn rilatojn kun Aǔstralio kaj Germanio en protektado al marĉejoj.

Jia konigis, ke Ĉinio aktive serĉos plurflankajn kaj duflankajn kunlaborojn internaciajn por pli multe enkonduki kapitalon kaj avangardan koncepton pri la protektado al marĉejoj kaj atentos precipe protektadon al marĉejoj sur Himalaja Altebenaĵo kaj al tiuj en basenoj de la riveroj Amur-Heilongjiang kaj Mekongo kaj ĉe la maroj Huanghai kaj Bohai.

Klarigo:

Marĉejo ampleksas naturan aŭ artefaritan, permanentan aǔ portempan marĉon, torfejon, akvo-etendaĵon kun akvo senmova aǔ flua, dolĉa, duonsala aǔ sala, inkluzive de maro profunda je malpli ol ses metroj dum malfluso. Marĉo, torfejo, herb-marĉo, lago, rivero, inund-rezervejo, delto, plaĝo, akvorezervejo, lageto, rizejo kaj maro profunda je malpli ol ses metroj dum malfluso apartenas al marĉejo.