En iu semajnfino de marto, mi trabutikis tutan tagon kune kun mia amatino, kiu volis aĉeti veston. Kvankam fine ŝi aĉetis taŭgan veston, sed reveninte hejmen, mi eĉ ne volis vespermanĝi pro laco.

En la sekvanta semajno estos naskiĝtago de mia bona amiko kaj mi volas donaci ion al li, sed la trabutiko en marto timigis min kaj mi ne volas iri en vendejon kun svarmanta homgrupo. Iutage, kiam mi malfermis mian retan leterkeston, mi vidis en ĝi leteron kun multaj reklamoj. "Kial mi ne iru en surretajn butikojn por aĉeti donacaĵon?" mi murmuris al mi, "kial mi povas forgesi aĉetadon per interreto, kiu estas tre populara nun."

Vespere mi enskribis la retejo-adreson de la butiko en interreto. Mi elektadis kaj komparis la komercaĵojn en diversaj "butikoj", mi finfine trovis el miloj da komercaĵoj kontentigan donacaĵon. En la sekvanta tago, kiam ni ĵus komencis labori, oni sendis al mi la vendaĵon kiun mi aĉetis surrete en la lasta tago. La bona servo de la varportanto ĝojigis min kaj mi decidis unue viziti la "butikon" en interreto se mi volas aĉeti ion.

Tagmeze, kiam mi babilis kun miaj kolegoj pri surreta aĉetado, Xiao Wang (Xiao signifas "juna", "malgranda", Lao — "maljuna", "granda") tuj diris: "Estas tre facile aĉeti aĵojn surrete. Per unu komputilo ligita kun interreto, oni jam povas plenumi butikumadon kaj aĉetadon. Se oni senĉese trabutikos, li estos tre laca, sed la komercaĵoj elekteblaj ne estas sufiĉaj, kaj povas esti, ke oni ne povas trovi ion kontentigan." Xiao Wang estas fraŭlino ŝatanta beligi sin, kaj ni ofte vidas ke ŝi aĉetadas novajn vestojn kaj kosmetikaĵon. Antaŭe mi miris ke ŝi neniam plendis pro laco pro aĉetado. Nun mi komprenas, ke ŝi ĉiam aĉetas per interreto.

En la lastaj jaroj, kune kun la disvolviĝo de interreto kaj populariĝo de interreto en popola vivo, la nova aĉeta maniero surreta fariĝas pli kaj pli oportuna. Nun viglas pogranda aĉetado kaj brokantado surrete. Ĉinaj retumantoj multe konas la famajn komercajn platformojn, ekzemple "Yiqu (ĝoja komercado)", "Taobao (ĉasi trezoron)", "Dangdang(tintado)" kaj "Zhuoyue (elstara)" ...

"Vidu mian glason. Ĉu vi scias kie oni aĉetis ĝin?" Xiao Zhang intence misterigis tion. Ni ĉiuj kapneis, dum li ĝoje diris: "Vidu ĝian koloron, vidu ĝian formon! Ĝi estas donacita de mia bona amiko, kaj mia amiko aĉetis ĝin surrete. Estas malfacile trovi tian nekutiman donacaĵon en ordinaraj butikoj." Xiao Zhang ŝajnas tre sperta en tio. "La surreta butiko havas grandan tabelon da varoj kaj kompare kun ordinaraj butikoj, la specoj de komercaĵoj estas riĉaj. Krome, aĉetado surreta estas pli facila ol en ordinaraj butikoj, ĉar oni ne bezonas memporti aĉetaĵojn, kaj tiel oni povas ŝpari tempon kaj forton."

Aĉetado per interreto ne havas limigon de tempo, tial oni povas komerci en ĉiu ajn momento. Ni povas elekti taŭgajn komercaĵojn se ni vizitas ĝiajn retejon. Nun jam aperis en Ĉinio videa "butiko" per interreto. Tiel, oni povas rekte koni la grandecon kaj funkcion de la komercaĵoj, eĉ konas kiel uzi ĝin, k.t.p.

Ĝuste pro tio, surreta aĉetado estas ŝatataj de pli kaj pli multaj retumantoj. Laŭ koncerna statistiko, en 2006, la komercada sumo de la retejo "Taobao" superis 16.9 miliardojn da juanoj (ĉ. 1.69 miliardoj da eŭroj), pli multe ol tiu de kelkaj famaj translandaj memservejoj en Ĉinio, ekzemple Lotus (10 miliardoj da juanoj) kaj Wal-mart (9.93 miliardoj da juanoj). Nun la retejo estas vizitataj ĉ. 6 milionoj da fojoj ĉiutage kaj tiu sumo egalas al taga totala kvanto de klientoj de ĉ. 200 grandaj vendejoj.

En 1999, aperis la unua faka komerca platformo de Ĉinio — Yiqu. De tiam, surreta aĉetado pli kaj pli disvolviĝas kaj perfektiĝas. Nun ekzistas kelkaj komercaj retejoj, kaj ilia konkureco fariĝas pli kaj pli intensa. Komence, la retumantoj ne akceptis la surretan aĉetadon kaj timas trompiĝi, sed nun, pli kaj pli da retumantoj partoprenis ĝin. La disvolvo de surreta aĉetado de Ĉinio allogis fremdlandajn kapitalojn. En junio de 2003, eBay, magnato de elektronika komercado en Usono, aĉetis la retejon Yiqu kaj eniris ĉinan merkaton de surreta aĉetado.

"Mi ne ŝatas aĉeti varojn surrete, ĉar mi ne povas vidi la veran aĵon kaj provi ĝin. Se mi aĉetos vestojn, mi iros al grandaj vendejo kaj provos ĝin tie; se mi aĉetos elektran aparaton, estos pli facile iri al memservejo tuj ĉe mia loĝejo. Iutage, la novaĵo raportis ke iu knabino trompiĝis en aĉetado per interreto: la grandega ludila kato sur la foto de interreto fakte estas tiel malgranda kiel mano." S-ro Liu tiel opinias pri aĉetado per interreto. Li neniam aĉetas aĵojn per interreto.

Laŭ statistiko, el la homoj kiuj neniam provis aĉeti per interreto, 62.4% ne fidis la retejon kaj timis trompiĝi; 47.7% ne kredas la kvaliton de la komercaĵojn, kaj 42.3% dubis pri ĝia sekureco.

Laŭ la opinio de aĉetantoj kaj vendantoj, fidindeco estas la plej granda problemo en surreta komercado. Wang Hanhua, direktoro de la retejo "Zhuoyue", diris: "En aliaj landoj, klientoj kutime uzas kreditan karton por aĉeti aĵojn surrete, sed en Ĉinio, nur ĉ. 15% faras tiele. Plejparto de la klientoj de interreto volas pagi post akiro. Nun la proporcio de monsendo, pago per interreto kaj pago post akiro estas 43.2%, 41.8% kaj 34.7%."

Kune kun la disvolviĝo de la socio kaj progreso de interretaj teknologioj, ni kredas, ke la problemoj maltrankviligantaj la konsumantojn estos bone solvitaj, kaj disvolviĝos la surreta aĉetado en Ĉinio.