De post la 16-a Kongreso de KPĈ, kiu okazis antaŭ kvin jaroj, la ĉina registaro donis altan atenton al disvolviĝo de la edukaj aferoj, faris multon por solvi la edukajn problemojn, strikte ligitajn kun la propraj interesoj de la popolo. Koncerne la devigan edukadon 99.3% de la lernojaraj geknaboj lernis en lernejoj kaj 97% de la geknaboj de koncernaj jaroj vizitis mezlernejojn en 2006. Tiujare sume 25 milionoj da homoj lernas en altaj lernejoj.

Dank' al praktiko de la nova sistemo pri garantio de la financa elspezo, la deviga edukado en la ĉina kamparo estis komplete kovrita de la publika financo. Surbaze de kompleta nuligo de lernokotizo de kamparaj lernejoj, la ŝtato senpage liveras lernolibrojn kaj subvencias la malriĉajn internulojn.

Por egala disvolviĝo de la deviga edukado la ĉina registaro plurfoje pliigis financan investon en la malriĉaj lokoj de la meza kaj okcidenta partoj de Ĉinio. Ĝi praktikas la "Projekton pri deviga edukado en la malriĉaj lokoj de la lando" kaj aliajn gravajn rimedojn, kio multe plibonigis la edukajn kondiĉojn de tiuj lokoj. La centra kaj lokaj registaroj asignis entute 11 miliardojn da juanoj por la longdistanca edukado de la mezaj kaj elementaj lernejoj en la ĉina kamparo, kiu kovros ĉiujn mezajn kaj elementajn lernejojn en la meza kaj okcidenta partoj de Ĉinio fine de 2007 kaj akcelos la komunan ĝuadon de la fontoj de eminenta edukado kaj levos la nivelojn de la kamparaj instruistoj kaj ilian edukan kvaliton.

Nun la profesia edukado akiris grandan progreson. De 2005 ĝis 2010 la centra registaro asignos 10 miliardojn da juanoj por fundamenta konstruado de la profesia edukado. Ĝis nun la centra registaro jam asignis 3.8 miliardojn da juanoj por konstrui 763 bazojn de profesia edukado, 446 centrojn de tia edukado en la gubernioj, 468 modelajn mezgradajn profesiajn lernejojn kaj 28 modelajn altajn profesiajn lernejojn.

La ĉina registaro dediĉas grandan atenton al subvencio de la malriĉaj lernejanoj. Ĝis marto de 2007 3.06 milionoj da lernantoj sukcesis prunti el la bankoj entute 26.6 miliardojn da juanoj por la lernado.