En 1947 32-jara usonano Sidney Shapiro venis al
Ĉinio kaj de tiam li pasigis en Ĉinio jam 62 jarojn. Nun li estas
membro de la Ĉina Verkista Asocio, konsilisto de la Ĉina Tradukista
Asocio, membro de ĈPPK kaj konsilisto de la Song Qingling-fonduso.
Intervjutate, s-ro Sidney Shapiro diris flue en la
ĉina lingvo kun iom da pekina akcento: “Mi loĝas en ordinara teretaĝa
domo en kvieta hutong (strateto) de Pekino. Knaboj post lernohoroj
ofte ludas pilkon antaŭ mia domo. Tiu atmosfero plaĉas al mi.”
Mi restos por ĉiam en Ĉinio
En 1947 s-ro Sidney Shapiro, kiu iomete sciis la ĉinan
lingvon kaj laboris kiel advokato en Usono, venis al Ĉinio. Li edziĝis
al ĉina fraŭlino Fengzi. Li kaj lia edzino vidis la fondiĝon de
la nova Ĉinio kaj spertis ĝian impetan disvolviĝon. En 1963 s-ro
Sidney Shapiro akiris ĉinan ŝtatanecon. De tiam li ofte nomas sin
“usonano kun ĉina ŝtataneco".
En sia rememoraĵo "Mia Ĉinio" s-ro Sidney
Shapiro skribis: “Mi estis forte allogita de la ĉina revolucio.
Mi konsciis, ke mia plej dezirata vivo estas en Ĉinio." "Ĉi
tie mi havas mian familion kaj amikojn ĉinajn kaj alilandajn. Mi
opinias, ke en Pekino mi povas labori pli multe kaj pli interese
ol en Usono, kaj mi decidis resti ĉi tie por ĉiam.”
Mi daŭre laboros en Ĉinio
Dum sia laborado en la Ĉina Fremdlingva Eldon-distribua
Buroo s-ro Sidney Shapiro tradukis en la anglan lingvon serion da
famaj ĉinaj literaturaj verkoj, ekz. “Ĉe akvorando”, "En vasta
neĝkovrita arbaro” kaj “Balato por defendi Yan’an”.
Jam de 1983 post sia emeritiĝo s-ro Sidney Shapiro
estis elektita kiel membro de ĈPPIK.
S-ro Shapiro diris: “Ĝis nun mi funkciis kiel ĈPPIK-membro
jam 26 jarojn. En tiu periodo mi preskaŭ ĉiujare partoprenis enketon
kaj esploradon organizitajn de ĈPPIK.” Menciinte sian laboron de
ĈPPIK-membro, li diris: “Mi ŝatas viziton al diversaj lokoj de Ĉinio
por iri inter la popolanojn, kaj tiamaniere mi povas vere koni la
popolajn vivkondiĉojn. Nun ĈPPIK-membro povas fari siajn kritikojn
kaj proponojn al la ĉina registaro. Tio estas efika demokratia metodo
taŭga por la nuntempa Ĉinio.
Nun la 94-jara s-ro Shapiro daŭre plenumas la devon
de ĈPPIK-membro. En la pasintaj jaroj dum diskutado en grupoj de
ĈPPIK oni povis vidi lin, kiu atenteme aŭskultis, notis kaj parolis.
En la lasta parto de sia rememoraĵo li skribis:“En la restaj jaroj
de mia vivo mi volas kiel eble plej bone plenumi ĉi tiun laboron.
Mi ja estas feliĉa, ke mi havas tiun bonŝancon.”
|
|
|
ĈPPIK-membro s-ro Sidney
Shapiro |
Parolas Sidney Shapiro
en ĈPPIK. |
Juna Sidney Shapiro kaj
lia edzino |
|
|
|
S-ro Sidney Shapiro kaj
liaj familianoj en 1991 |
Domo de Sidney Shapiro
en Pekino |
Sidney Shapiro en sia
hejmo |
|
|
|
Sidney Shapiro intervjuata |
"Mia Ĉinio" eldonita |
ĈPPIK-membroj gratulas
Sidney Shapiro pro datreveno de lia naskiĝo. |
|