|
En la 13-a de novembro,
2008, Deng Pufang (maldekstre) elektiĝis kiel honora prezidanto
de la Ĉina Kriplula Federacio kaj Zhang Haidi (dekstre) kiel
ĝia prezidanto. |
En la 1980-aj jaroj, Zhang Haidi konkeris la koron de
ĉinoj per sia granda kuraĝo kontraŭ serioza malsano. Ŝi, sidanta
sur rulseĝo, fariĝis modelo de ĉinaj junuloj.
Forpasis pli ol 20 jaroj, 54-jara Zhang Haidi elektiĝis
kiel prezidanto de la kvina prezidantaro de la Ĉina Kriplula Federacio
en novembro de 2008, kaj per tio ŝi refoje vekis atenton de la socia
publiko.
En la aĝo de 5 jaroj, Zhang Haidi pro mejlo-angiomo
paraplegiiĝis de brusto. Batalante kontraŭ la malsano, ŝi memlernis
lecionojn de elementa lernejo ĝis universitato kaj lingvojn anglan,
japanan, germanan kaj Esperanton. Dum loĝado en kamparo ŝi memlernis
akupunkturon kaj mokson, riparon de radiaparato, kaj per tio senpage
helpis vilaĝanojn.
En 1993, Zhang Haidi akiris filozofian magistrecon
en Jilin-universitato, Ĉinio. Poste ŝi okupiĝis pri verkado. Ŝi
verkis “Pridemando de la Vivo”, “Sonĝo sur Rulseĝo” kaj tradukis
“Kuracejo ĉe Maro”, “Murdoch--Vera Rakonto pri Elefanto” kaj aliajn
kun entute miliono da ideogramoj. Ŝia romano “Sonĝo sur Rulseĝo”
eldoniĝis ankaŭ en Japanio kaj Koreio.
Zhang Haidi estas membro de 10-a kaj 11-a ĈPPIK kaj
konstanta komitatano de la 12-a ĈPPIK. En la lastaj jaroj ŝi multe
penis por havigi laborŝancojn al kripluloj. Ŝi diris: “Mi esperas,
ke kripluloj versence eniros egale en la socion kaj ĝuos la vivon.
Estas malfacile por sanuloj koni animstaton de kripluloj, kiam ili
estas helpataj, tamen mi scias. Kiam mi vidis, ke iu kriplulo kortuŝiĝis
ĝislarme pro ricevo de rulseĝo, ankaŭ mi larmis. Mi havis tian rulseĝon
en mia aĝo de 20 jaroj. Antaŭe mia rulseĝo estis ligna kaj malfacile
movebla. Kiam via korpo ne povas libere moviĝi, vi devas peti alies
helpon eĉ kiam vi volas glason da akvo. Ĝuante alies helpon, krom
dankemo oni povas havi multajn komplikajn sentojn. Mi ĝojas helpi
aliajn, sed ege ĉagrenas, kiam mi estas helpata de aliaj. Antaŭ
12 jaroj mi elektiĝis kiel ĈPPIK-membro, de tiam mi, kune kun aliaj
ĈPPIK-membroj prezentis proponojn pri konstruado de senbaraj trapasejoj,
intensigo de kontrolado kaj administrado de loterio por soci-bonstatigo
kaj instalado de asekuro por orfoj kaj kriplaj infanoj. En la lastaj
jaroj, mi plurfoje prezentis proponon pri permeso al kripluloj stiri
aŭton. Por persone sperti tion, mi mem prove stiris aŭton. Mi esperas,
ke kripluloj realigos sian tutan sonĝon!”
Ŝiaj proponoj ricevis grandan atenton de ĈPPIK-membroj
kaj estis subtenataj de kripluloj.
Zhang Haidi en interreto havas sian blogon, kies vizitantoj
atingis 7.9 milionojn.
Ĉe sia prezidantiĝo de la federacio, Zhang Haidi diris,
ke ŝi ne vanigos esperon de la 80 milionoj da kripluloj. En la sekvantaj
5 jaroj ŝi klopodos por fundamente solvi problemon pri bazaj vivkondiĉoj
de kripluloj, iliaj ĝenerala resanigo kaj fizika ekzercado. Ŝi penados
por ke 80% de la kriplaj lernoaĝaj infanoj vizitu lernejon, 80%
de la kripluloj havu laborpostenon kaj vaste partoprenu en la socia
vivo.
|