Ŝi
estas la unua ĵurnalistino de Centra Novaĵ-agentejo;
Ŝi estas edzino de Claire Lee Chennault,
generalo de Teamo Fluga Tigro;
Ŝi estas la unua ĉindevena alta oficistino
sub la 8 usonaj prezidentoj;
Ŝi estas la unua ĉindevena vicprezidento
de usona aviada kompanio;
Ŝi estas la unua azidevena direktoro de
usona banko;
Ŝi estis unu el la 70 plej influaj personoj
en Usono;
Ŝi estas honorata kiel la unua ĉindevena
usonanino.
Biografieto:
Chen Hsiang-mei, alinome Anna, naskiĝis
en 1925 en Pekino. Usona verkistino kaj politika aktivulino. Ŝi
estis trifoje elektita kiel membro de komitato de prezidenta elektado,
azia konsilanto de usona prezidento, vicprezidanto de komerca komisiono
por eksporto de Usono. Krome, pro sindediĉo al kultura interŝanĝo
inter Ĉinio kaj Usono, Chen estas titolata popola ambasadoro inter
Ĉinio kaj Usono. Ŝi eldonis ĉ. 50 verkojn en la ĉina kaj angla lingvoj,
kiel Mil Printempoj kaj Claire Lee Chennault kaj Teamo Fluga Tigro,
kiuj havas grandan eĥon en Ĉinio kaj Usono.
Ĉina gvidanto Deng Xiaoping tiel laŭdis
Chen: "Estas 100 senatanoj en Usono, sed nur unu Chen Hsiang-mei
en la tuta mondo." Tio estas trafa takso pri Chen. Kiel atentata
virino en usona politika rondo, liganta ĉina-usonan rilaton kaj
postlasinta siajn piedsignojn tutmonde, ŝi kreas sian spacon en
la tuta globo per sia klopodo.
Ĉindevena
virino en la usona ĉefa socio
Mi fieras, ke mi estas edzino de generalo
Claire Lee Chennault, sed mi pli fieras, ke per mia klopodado mi
kreis mian spacon en la mondo.
—Chen Hsiang-mei
Chen
estas legenda virino. Ŝia transnacia geedzeco kun generalo Chaire
Lee Chennault estas multe parolata eĉ nun. Ŝi estas splenda politika
aktivulino. Dum 40 jaroj en Usono, ŝi, membro de Respublika Partio
de Usono, servis por prezidentoj John F. Kennedy, Richar M. Nixon,
Gerald Ford, George Bush kaj Bill Clinton kaj estis metita sur gravajn
postenojn.
En 1958 generalo Chennault forpasis pro
malsano, kaj Chen venis al Vaŝingtono kun siaj du junaj infanoj.
Estas malfacilege por virino sole barakti en Usono, tamen Chen sukcesis.
Per senĉesa studado kaj penado, eksterordinara genio kaj kuraĝo,
ŝi fariĝis alta oficistino en la Blanka Domo. Ŝi funkciis kiel vicprezidanto
de komerca komisiono por eksporto de Usono, membro de erudiciula
komisiono de la Blanka Domo, azia konsilanto de usona prezidento,
prezidanto de virina departemento de la Blanka Domo. La 2-an de
januaro 1981, kiel komisaro de prezidento Ronald Reagan, Chen estis
akceptita kaj bankede regalita de Deng Xiaoping en Pekino. Ŝi transdonis
la mesaĝon de Ronald Reagan al Ĉinio, ke la usona registaro daŭrigos
la politikon pri Ĉinio de antaŭaj usonaj registaroj kaj apenaŭ ŝanĝos
tiun pri Taiwan. Popola Ĵurnalo de Ĉinio, Vaŝingtona Poŝto, Nov-jorkaj
Tempoj kaj Los-Anĝelesa Ĵurnalo de Usono publikigis la novaĵon kun
foto pri manpremo de Chen kaj Deng en fronta paĝo. De tiam, Chen
fariĝis grava ligilo inter Ĉinio kaj Usono.
Chen estas sukcesa ankaŭ en komercado.
Ŝi estas la unua ĉindevena vicprezidentino de usona aviada kompanio,
kaj la unua azidevena direktoro de usona banko.
En 1972, ŝi estis elektita kiel unu el
la 70 plej influaj personoj en Usono.
Kontribuo
al disvolviĝo de la patrolando
Mi
estas filino de Ĉinio kaj mia radiko restas en Ĉinio. Mi deziras
fari ĉion ajn kio favoras al la ĉinoj.
— Chen Hsiang-mei
Ekde 1981, kiam Chen faris unuafojan viziton
al la patrolando, ŝi ĉiujare du aŭ tri fojojn venas al Ĉinio. Ŝi
vidis la tutan proceson de reformado kaj pordomalfermo de Ĉinio
kaj ankaŭ ĝiajn gigantajn ŝanĝiĝojn. Kvankam ŝi jam fariĝis usonano,
tamen ŝi zorgas pri la konstruado kaj disvolviĝo de Ĉinio, kaj senĉese
kontribuas por ke Ĉinio eniru en la mondon.
Kiel ĉindevena civitano en Usono, Chen
povas rekte kompreni la opiniojn de usonanoj pri Ĉinio. Pro rapida
disvolvo de Ĉinio, iuj landoj kaj ŝtatestroj timas, ke Ĉinio minacos
aliajn landojn. Chen klarigas la disvolvajn politikojn de Ĉinio,
ke ĉina fortiĝo alportos pli da latentaj fortoj kaj resursoj al
aliaj landoj kaj prosperigos la tutan mondon. Ŝi ankaŭ instigis
senatanojn kaj parlamentanojn de Usono viziti Ĉinion por ke ili
konatiĝu kun ĝi.
Chen tre akcentas edukadon. Ŝi opinias,
ke la eduka nivelo de lando estas tre grava, ke turni la premon
de granda loĝantaro en kulturon de talentuloj dependas de edukado.
Chen kontribuis 20 milionojn da juanoj al la ĉina edukado. En la
ĉeftero de Ĉinio establiĝis Eduka Fonduso de Chen Hsiang-mei kaj
Lernejo de Chen Hsiang-mei. Ŝi diris: "Mi estas filino kulturita
kaj edukita de la ĉina popolo. Kiam mi sukcesis en mia kariero,
mi devas rekompenci mian instruiston laŭeble. Kiel ĉina posteulo,
mi ne devas resti senfare al la ĉina edukado."
En multaj urboj ni povas vidi projektojn
investitajn aŭ mondonacitajn de Chen. Ŝi senlace laboras por loka
ekonomio kaj kultura afero. "Mi havas nek monon nek teron en
Ĉinio, sed mi deziras kontribui al Ĉinio per mia mono gajnita en
Usono." Dirite, farite. Ŝi instigas siajn amikojn helpi Ĉinion
laŭ ilia kapablo, ekzemple iu arkitekto senpage projektis kelke
da flughavenoj en Ĉinio.
Ĉu pro batalo kontraŭ japana agreso kun
sia edzo antaŭ duonjarcento, ĉu pro funkcio de komisaro de prezidento
Ronald Reagan, ĉu pro la hodiaŭa flugado inter Ĉinio kaj Usono je
la aĝo de 80 jaroj, tiu legenda virino estas multe respektata de
ĉinoj. Nun ŝi ankoraŭ persistas en la disvolvo de ĉina-usonaj rilatoj
kaj ĉina prosperiĝo. Same kiel sia nomo, Xiangmei (aroma umefloro)
pompas en Usono.
|