Ni ekzercas nin per kungfuo
ne por haki rokojn nek tabulojn, sed ni pli atentas influi per ĝi
nian pens- kaj viv- manierojn.
-- Bruce Lee
La 27-a de novembro 2008 estis la 68-a
datreveno de la naskiĝo de Bruce Lee. Antaŭ tio CCTV elsendis televidan
serialon "Legendo de Bruce Lee", kiu konigas la eksterordinaran
vivon de Bruce Lee. Nun tiu ĉi serialo estas brodkastata ankaŭ en
aliaj landoj kaj kaŭzas fortan eĥon.
Vojo de kresko
En la 27-a de novembro, 1940, Bruce Lee
naskiĝis en familio de ĉin-devena loĝanto en San-Francisko, Usono.
Lia patro estis fama komedia aktoro de ĉina Guangdong-opero, kaj
lia patrino katolikino kun ĉin-germana sango.
Bruce Lee pasigis sian infanecon kaj junecon
en Hongkong. La juna Bruce Lee estis malforta, tial lia patro instruis
al li tajĝjiĉjŭan-on por fortigi lin. Poste li ekamis kungfuon kaj
li sisteme eklernis ĝin de Ye Wen (kungfu-a majstro), kiam li estis
13-jara.
La juna Bruce Lee estis petolema. La gepatroj
timis, ke Bruce Lee devojiĝos pro sia kungfuo, tial ili decidis
sendi lin al Usono por lernado. En printempo de 1959 Bruce Lee sola
veturis al Seattle.
En la unua jaro Bruce Lee studis kaj laboris
kiel provizora dungito. En 1960 li fariĝis studento de la Universitato
de Vaŝingtono. Lia amo al kongfuo vekis ĉe li intereson al filozofio,
tial li decidis studi ĉefe filozofion, kaj lernis ankaŭ dramojn
k.a. samtempe. Li komparis koncepton de Jeet Kune Do kun akvo kaj
diris:"Akvo estas pacienca kaj forta, ĉar ĝi povas iom post
iom erozii la plej malmolan rokon. Kompare kun tiuj, kiuj timigas
aliajn per montro de sia forto, aŭ tiuj, kiuj estas tro memfidaj,
la homoj silentemaj havas pli da kuraĝo alfronti defion."
En aprilo de 1962, Bruce Lee, kiu ankoraŭ
studis en universitato, fondis "Kongfu-a Instituto Jianfan"
en la ĉina kvartalo de Seattle. Tie, ĉiuj studentoj, ĉu ĉinoj, ĉu
blankuloj, ĉu negroj, povis egale lerni ĉinan kungfuon.
Romantika amo
|
Bruce Lee kaj liaj familianoj |
Instruante kungfuon, Bruce Lee renkontiĝis
kun Linda Emery en 1963. Linda vivanta en Seattle konis Bruce Lee,
kiam ŝi lernis en mezlernejo, ĉar Bruce Lee prezentis kungfuon kaj
faris prelegon pri ĉina filozofio en ŝia lernejo. Post malfermo
de la Kungfu-a Instituto Jianfan, Linda eklernis kungfuon de Bruce
Lee. Baldaŭ ili amis unu la alian. En la jaro 1964 Bruce Lee edziĝis
kun ŝi.
"Mi opinias, ke en mia tuta vivo,
mia plej granda sukceso ne estas en kungfuo nek en filmoj, sed en
mia geedziĝo kun Linda. Ŝi estas bonkora kaj tolerema. Kiam mi hejmen
revenis post laboro, ŝi eĉ helpis min demeti la ŝuojn. Eble oni
dubas, ĉu ni el malsamaj nacioj povas vivi harmonie. Efektive mia
edzino jam ĉiniĝis, ŝi povas paroli simplan ĉinan lingvon kaj fari
ĉinajn pladojn," tion skribis Bruce Lee en sia eseo en la jaro
1971.
Filmstelo
Bruce Lee estas fama pro la de li kreita
Jeet Kune Do. En la Internacia Konkurso de Karateo okazinta en 1964
kaj 1967, lia prezentado faris sensacion en kungfu-a rondo, kaj
ankaŭ estis atentata de filmaj rondoj, tial li ricevis ŝancon roli
en filmoj "La Verda Krabro" kaj "Araneo-viro"
kaj aliaj filmoj.
Sed tiam Bruce Lee ankoraŭ ne estis akceptita
de la usona filma rondo regata de blankuloj. En la jaro 1970, Bruce
Lee kaj liaj familianoj revenis al Hongkong por feriado, kaj estis
varme bonvenigitaj tie. Poste Bruce Lee akceptis inviton de iu Hongkong-a
filma kompanio kaj ludis rolon en la filmo "Ĉina Granda Frato".
Tiu filmo rompis la rekordon de enspezo de biletoj en Hongkong.
Faktoj pruvis, ke estis ĝusta elekto por
Bruce Lee resti en Hongkong por sia kariero. Lia dua filmo "Pungo
de Furiozo" kreis alian rekordon de enspezo de biletoj, kaj
per tio li firmigis sian pozicion kiel internacia filmstelo. Poste
li mem reĝisoris la filmon "Reveno de la Drako" kaj rolis
en tiu filmo. Ankaŭ tiu filmo akiris sukceson. Kiam Bruce Lee preparis
sin por studii sian duan filmon " Ludo de Morto", film-makleristoj
de Hollywood reatentis lin. Poste, li akceptis rolon de la filmo
"Eniri en la Insulon Drago".
De la "Ĉina Granda Frato" al
"Eniri en la Insulon Drako", Bruce Lee kreis miton en
du jaroj kaj duono.
Granda bedaŭro
Bruce Lee iam skribis sur paperslipo:
"Mia havas klaran celon: Mi, Bruce Lee, fariĝos orienta superstelo
en usona filma rondo kun la plej alta salajro. Kiel rekompencon
mi oferos plej kortuŝajn kaj plej animskuajn prezentadojn. De la
jaro 1970 mi akiros reputacion en la tuta mondo. En 1980 mi havos
10 milionojn da usonaj dolaroj kaj tiam mi kaj miaj familianoj vivos
ĝojan, harmonian kaj feliĉan vivon."
En 1970, Bruce Li vere faris sensacion
en la Okcidento. En la 20-a de julio, 1973, li subite mortis kaj
sekve de tio li ne nur ne povis realigis sian promeson al la familio,
sed ankaŭ faris grandan bedaŭron al ĉiuj ĉinoj.
"Bruce Lee vivis nur 32 jarojn, sed
li vivis brave kiel vera viro!" tion diris Li Wenqi, la reĝisoro
de "La Legendo de Bruce Lee". "Antaŭe oni prenis
lin nur kiel ludanton de kungfuo, sed fakte, li konkeris la mondon
per siaj firma volo kaj nacia digno, kaj tio estas plenforte protektata
kaj esprimita de li dum la tuta vivo. Ĝuste pro li, aperis en la
angla vortaro nova vorto ‘kungfu’."
|
Chan Kwok Kwan, rolulo
de Bruce Lee en la "Legendo de Bruce Lee" en Parizo
|
Al demando "Nun estas multaj filmsteloj,
kial oni ankoraŭ karmemoras lin, forpasintan antaŭ 35 jaroj?"
iu japano respondis: "Eble en viaj okuloj Bruce Lee mortis
antaŭ 35 jaroj, sed laŭ nia opinio drago (la cina nomo de Lee) neniam
mortos."
|