Mi profunde riverencis al la portreto de ĉefministro Wen

Nur en du tagoj Xu Jinjing, ĉina studento en la Belarta Fakultato de la Salamanca-universitato, Hispanio, plenumis la oleopentraĵon “Apogo". La 31-an de januaro reprezentanto de ĉinaj studentoj en Hispanio donacis la oleopentraĵon al ĉefministro Wen Jiabao, vizitanta en Hispanio, kaj pro tio la ĉefministro Wen telefonis al Xu Jinjing por esprimi sian dankon.

Olepentraĵo “Apogo”

Antaŭ nelonge raportisto telefone intervjuis Xu Jinjing, kaj li rakontis pri sia motivo en farado de la oleopentraĵo.

Por esprimi sian amon kaj respekton

Raportisto: Kial vi decidis fari olepentraĵon por donaci al ĉefministro Wen?

Xu Jinjing: Posttagmeze de la 24-a de januaro estro de la asocio de ĉinaj studentoj en Salamanca telefonis al mi, ke ĉefministro Wen baldaŭ vizitos Hispanion. Li esperis, ke mi faros pentraĵon por donaci al la ĉefministro, kaj per tio ni deziris esprimi amon kaj respekton de la ĉinaj studentoj en la urbo al la ĉefministro.

Raportisto: Kial vi akceptis la peton?

Xu Jinjing: La Salamanca-universitato estas universitato kun plej longa historio en Hispanio. En ĝi lernas ĉirkaŭ 300 ĉinaj studentoj, kaj mi sola studas belarton kaj venis el Sichuan-provinco.

Kiam li telefonis al mi, la scenoj de la granda tertremo en Sichuan tuj aperis antaŭ miaj okuloj kiel filmo. Post okazo de la tertremo la ĉefministro Wen senprokraste rapidis al la lokoj trafitaj de la tertremo. Oni povis vidi lin en ĉiuj anguloj de la plagita regiono. Mi estis tre emociita kaj fiera pro tio ke mi povis fari oleopentraĵon por nia estimata, pli-ol-60-jara ĉefministro.

Dum komponado

Raportisto: Mi aŭdis, ke dum via kreado de la pentraĵo vi inspiriĝis el iu foto, ĉu vere?

Ĉefministro Wen en plagita loko

Xu Jinjing: Efektive mi faris la oleopentraĵon laŭ du fotoj pri sama sceno fotitaj de malsamaj anguloj. Por krei la pentraĵon, mi rete serĉis fotojn, kaj la foto, en kiu la ĉefministro brakumas du knabinetojn, kortuŝis min.

Mi iam vidis la foton post la tertremo, kaj tiam ĝi donis al mi profundan impreson. Ĝi rememorigis al mi la vortojn de la ĉefministro “Nur se homoj estas, ni certe venkos la malfacilojn.”

Mi tuj decidis komponi la pentraĵon laŭ tiu ĉi foto.

Raportisto: Kiel vi plenumis la pentraĵon?

Xu Jinjing: Mi pentris senĉese 6 horojn. Mi pensis nur, ke tiu ĉi pentraĵo estos donacita al la ĉefministro, kaj mi certe bone plenumos ĝin.

Por mi la mieno de la ĉefministro estis plej malfacile pentrebla. Pro manko de tempo ĝin mi pentris per larĝaj tuŝoj. Ĝi taŭgas por apreci de malproksime. Por kiel elbe plej frue sekigi la pentraĵon mi aĉetis harsekigilon.

Raportisto: Kial vi titolis la pentraĵon “Apogo”?

Xu Jinjing: La titolo de la pentraĵo en la hispana lingvo povas esti "Apoyo", kiu signifas ankaŭ “subteno”. Mi volas per tio diri al ĉefminstro Wen, ke ĉinaj studentoj en Hispanio subenas lin kaj sian patrolandon.

Mi profunde riverencis al la portreto de ĉefministro Wen

Ĉefministro Wen telefonas al Xu Jinjing por lin danki.

Raportisto: Kian senton vi havas post plenumo de la pentraĵo?

Xu Jinjing: Post kiam mi plenumis la pentraĵon estis jam meznokto de la 28-a de januaro. Mi faris kelkajn retropaŝojn kaj silente rigardadis la afablan vizaĝon de la ĉefministro en la pentraĵo kaj mi estis kaptita de forta emocio, kaj kun respekto mi profunde riverencis al la portreto.

Mi rakontu al vi okazaĵon neforgeseblan por mi. La pentroĉambro estas kune luita de mi kaj kelkaj hispanaj emeritaj maljunulinoj. Kiam mi sekigis la pentraĵon per harsekigilo, unu el ili venis. Rigardante la pentraĵon, ŝi tuj diris al mi, ke la homo en la pentraĵo estas la ĉina ĉefministro. Multaj hispanoj konas ĉinan ĉefministron dank’ al tio, ke post okazo de la tertremo preskaŭ ĉiuj amaskomunikiloj en la mondo faris raporton pri tio, ke ĉefministro Wen venis al la lokoj trafitaj de la tertremo tuj post la tertremo. Mi fieras pro tio, ke mia patrolando havas bonan ĉefministron.