Laŭ ĉina luna kalendaro, la 9-a de februaro, 2009, estis la Lanterna Festo -- unu el la plej gravaj festoj de Ĉinio.

Kiel tradicia festo de Ĉinio, ĝi havas historion de pli ol 2000 jaroj. Jam en la historio ĝi estis spektakloriĉa kaj multe atentata, tial oni nomas ĝin "karnavalo" de la ĉina nacio.

Laŭ ĉina luna kalendaro la 15-a nokto de la unua monato estas la unua lunplena nokto de la jaro kaj ankaŭ komenco de printempo, tial solenado de tiu nokto estas ankaŭ solenado de la nova printempo.

Laŭ naciaj tradicioj de Ĉinio, en la Lanterna Festo ĉiuj familioj lumigas lanternojn, manĝas farĉitajn pastobuletojn el glueca rizo, sin amuzas per rigardado de lanternoj kaj divenado de la lantern-enigmoj kaj eksplodigas petardojn kaj krakfajraĵojn. Plej gajaj estas infanoj kun lanternoj en la mano en tiu nokto.

Patro bruligas lanternon por sia filo.	Urbanoj en lanterna festo	Lanternoj
Lanternoj	Lanterno en formo de antikva turo farita el eluzitaj boteloj	Flosigi lanternojn por memori la forpasintojn.
Koloraj pastobuletoj	Folklora pentraĵo pri antikva lanterna festo	Folklora pentraĵo pri antikva lanterna festo