Matene de la 24-a de aprilo centoj da kredantoj de Taoismo, taoismaj fakuloj, registaraj oficistoj kaj ĵurnalistoj, partoprenantaj en la internacia forumo pri Dao De Jing (Libro de Laozi), kolektiĝis ĉe Louguantai-templo en Xi'an, sudokcidenta Ĉinio por celebri la restaŭron de la templo kaj preĝi por la paco de la tuta mondo.

La templo sidas en la proksima antaŭurbo de Xi'an. Laŭdire Yin Xi, astrologo de Zhou-dinastio (1046 a.K.-256 a.K.), konstruis la templon por observi la astron. Foje, kiam Laozi vojaĝis okcidenten, rajdante sur nigra bovo, Yin Xi gastigis lin en la templo kaj petis lin verki libron. Laŭ lia peto Laozi verkis Dao De Jing. Pro tio Laozi estis honorita kiel fondinto de Taoismo kaj la templo -- lulilo de la taoisma kulturo.

La ceremonio estis unu el la programoj de la forumo. Kredantoj de Taoismo faris religian servon antaŭ la portreto de Laozi kaj preĝis por la mondpaco.

La forumo kun la temo "harmonia mondo kaj kontaktiĝo pere de Taoismo" okazis en la 22-24-a de aprilo.