Lastatempe startis en Pekino la aktivado "Olimpikaj Belartoj 2008" kune organizita de la Internacia Olimpika Komitato kaj la Ĉina Olimpika Komitato, kun subteno de la Organiza Komitato de la Pekinaj Olimpikoj kaj la Ministerio de Kulturo de Ĉinio.

La temoj de tiu ĉi aktivado estas "Sporto kaj Olimpikoj" kaj "Ĉinio, la Mondo". Por la aktivado oni invitos famajn artistojn de landoj (urboj) gastigintaj Olimpikojn antaŭe kaj aliaj 50 landoj kaj regionoj, kaj artistojn de Ĉinio al ekspozicio kaj konkurso.

He Zhenliang, prezidanto de la Komitato de Kulturo kaj Olimpika Edukado sub la Internacia Olimpika Komitato, diris, ke la Olimpikoj estas grandioza renkontiĝo de sporto kaj arto, ke "Olimpikaj Belartoj 2008" pli bone akcelos interŝanĝon de orienta kaj okcidenta kulturoj.

Dum la inaŭgura ceremonio oni publikigis la emblemon kaj la sloganon - "Arto, beligu Olimpikojn".