Yang Wenzhi estas unu el la ekotransloĝiĝintoj de la Ningxia-a Huj-nacia Aŭtonoma Regiono en nordokcidenta Ĉinio. Nun li funkciigas du forcejojn kaj enspezas pli ol 9000 juanojn (ĉ. 7.8 juanoj = 1 usona dolaro) ĉiu-jare. Li diris: "En la pasintaj jaroj, ni kulturis grenon en sabla tero, rezulte ni fariĝis pli kaj pli malriĉaj. Vidante ke verdaj plantoj pli kaj pli malmultiĝis, ni sentis kordoloron. Nun ni transloĝiĝis, sed la vivo fariĝas pli kaj pli bona." Yanchi-gubernio de la Ningxia-a Huj-nacia Aŭtonoma Regiono, kie Yang Wenzhi vivas, situas ĉe la suda rando de Muus-dezerto — unu el la kvar grandaj dezertoj en Ĉinio. Antaŭ 3 jaroj li loĝis en venta kaj sabla loko ĉ. 40 kilometrojn for de vilaĝo por ekotransloĝiĝintoj. La greno produktita en unu hektaro ne povis satigi la familianojn de Yang. Poste li kaj liaj edzino kaj filinoj transloĝiĝis al tiu vilaĝo.

Nun la vilaĝo, kie Yang Wenzhi antaŭe vivis, jam estas kovrita de densaj plantoj por senmovigi sablon kaj tie oni povas vidi leporojn kaj birdojn. La arbustoj altas jam ĝis brusto de homo.

En venta kaj sabla regiono en okcidenta Ĉinio, oni praktikis novan metodon — malgrandigi loĝantaron en regiono kun malforta ekologia medio por garantii minimuman kondiĉon de resursoj. Tiele, la kapablo de memreguligo de medio povas realigi bonan ekologian cirkulon. Nun ĝi jam fariĝis modelo por superregi sablejojn en Ĉinio.

Homoj transloĝiĝas por verdiĝo

Mi vidis foton pri damaĝo de sabla vento en Bayan Gol ĉe rando de Taklimakan-dezerto en la Xinjiang-a Ujgura Aǔtonoma Regiono en nordokcidenta Ĉinio. Ĉiufoje post ventado la domoj estas kovritaj de dika tavolo da sablo.

Vizaĝe al tia situacio, ekologoj de Xinjiang prezentis sian opinion — la naturo mem riparu la vundon. La premiso estas malmultigi homan premforton, nome homoj cedu al verdigado. La rezulto de tiu agado pruvis, ke transloĝiĝo de homoj el tiuj lokoj estas favora al bremso de sablomoviĝo. De la fino de la lasta centjaro, Xinjiang jam investis 6.3 miliardojn da juanoj por medioprotekto kaj 151.7 mil loĝantoj transloĝiĝis el rezervejoj aŭ regionoj kun degenerinta ekologio.

En Xinjiang, oni aplikis tri manierojn por transloĝigo. 1, kolektiva transloĝigo de tuta vilaĝo aŭ vilaĝgrupo el malriĉaj altaj kaj malvarmaj mont-regionoj aŭ el ebenaĵoj sed kun malmultaj agroj al nove ekspluatitaj regionoj. 2, parte transloĝigas malriĉajn loĝantojn el regiono kun densa loĝantaro, al kiu mankas akvo kaj tero, al vilaĝoj kun pli bonaj kondiĉoj. Tiu maniero povas gajni rapidan efikon sed ne bezonas multan investon. De 1994 ĝis 2000, pli ol 46 mil loĝantoj transloĝiĝis laŭ tiu maniero kaj ili jam solvis la problemon de minimuma tenado. 3, transloĝigi por fiksa aŭ duonfiksa loĝado.

Verdiĝo kaj riĉiĝo

La geedzoj Mengke estas paŝtistoj de Xilin Gol en la Aŭtonoma Regiono de Interna Mongolio. Antaŭ kelkaj jaroj, respondante al la alvoko de ekologia transloĝigo de la registaro, ili kaj pli ol 100 paŝtistoj venis en urbon por labori. Nun ili jam posedas pli ol milionon da juanoj kaj vivas pli kaj pli bone. En la herbejo de Xilin Gol, pli kaj pli multaj paŝtistoj ne plu paŝtis kaj iris al urboj por sin okupi pri vendo de mongolaj manĝaĵoj, laktaĵoj, bovaĵo, ŝafaĵo, mongolaj vestoj kaj metiaĵoj aŭ turismo. Kvankam tiuj paŝtistoj faris malgrandan paŝon al urbo, sed tio estas granda paŝo por disvolviĝo de ekologia ekvilibro.

Antaŭ kelkaj jaroj, Xilin Gol komencis grandskalan transloĝigon. La komparanoj kaj paŝtistoj vivantaj en regiono kun tre malbona medio kolektive transloĝiĝis al ĉirkaŭaĵoj de urbetoj kun kondiĉoj taŭgaj por produktado kaj vivado. Oni fermis la herbejon kaj malpermesis paŝtadon sen ŝanĝi la posedantecon de la herbejo. Tiele la herbejoj gajnis tempon por ripozi. Vicestro Adija de Xilin Gol diris, ke vivas en Xilin Gol mal pli ol 200 mil paŝtistoj en areo de 180 mil kvadrataj kilometroj, se unu paŝtisto transloĝiĝus, malpeziĝos la premo de herbejo de unu kvadrata kilometro. Tiu maniero kun malmulta investo povas gajni rapidan efikon, kaj estas bona maniero por fundamente solvi tiun problemon.

Se oni kulturos herbojn sur 1 hektaro da tero por furaĝo, 50 — 100 hektaroj da magriĝantaj herbejo povos esti novaligitaj. En la eksperimenta regiono de ĉesigo de sablomoviĝo en Bayan Huxu, ĉinaj sciencistoj trovis iun maizospecon, kiu maturiĝas en tri monatoj, sed hektara produktokvanto estas pli ol 57 tunoj. La maiza ligo povas esti furaĝo de dombestoj.

Post senĉesa klopodo, la malboniĝa tendenco de herbejo en Xilin Gol estis detenita, kaj la averaĝa flaŭra kovriteco altiĝis de 30 al 45 procentoj; la areo de moviĝaj kaj duonmoviĝaj dunoj malmultiĝis de 7120 al 4053 kvadrataj kilometroj; la averaĝa flaŭra kovriteco de herbejo en dezerto kaj duondezerto altiĝis de 17 procentoj al 41 procentoj. La averaĝa jara enspezo de la paŝtistoj kreskis de 2800 al 3890 juanoj.

Transloĝigo ne estas sola rimedo

Ekologia protektado de la medio kaj solvado de la problemo de minimuma vivtenado estas komplika programo. Transloĝigo estas bona metodo por solvi ekologiajn problemojn, sed ĝi ne estas panaceo. Oni alprenis diversajn metodojn laŭ sia efektiva situacio. Rilate transloĝigon de paŝtistoj, oni fiksloĝigis ilin por moderigi la premon al herbejo kaj boncirkuligi brutobredadon. Rilate transloĝigon de loĝantoj en arbaro, oni cedis kampojn al kalturado de arbaroj kaj herbejoj, tiel efike protektis la naturajn arbarojn, naturajn herbejojn kaj sovaĝajn animalojn kaj vegetalojn. En la rezervejoj kaj regionoj sentivaj pri medio oni kategorie transloĝigis la loĝantaron per speciala investo de la ŝtato kaj lokaj registaroj.

Ekologia transloĝigo ne estas simpla transloĝigo de homoj, samtempe oni faris ankaŭ ekologian protektadon, cedis kampojn al forstumado kaj herbokulturado, faris agrikulturan sintezan eksplutadon kaj reguligon de industria strukturo.

En junio, 2006, la Ŝtata Forstuma Administracio de Ĉinio publikigis la rezulton de triafoja ekzameno de la tutlanda dezertiĝo kaj sabliĝo de la tero, ke la areo de la sabliĝinta tero malmultiĝis de 3436 al 1283 kvadrataj kilometroj. Fine unuafoje ŝanĝiĝis la pasiva situacio de "dezertiĝo de tero plirapida ol riparado" en la pasintaj 50 jaroj.

Oni devas atribui la atingon al la ŝanĝo de la ideo kaj maniero en superrego de sabliĝo — transloĝigo de homoj por paca kunekzisto kun dezerto.