Lastatempe komenciĝis la programo de modela marborda arbaro kunlabore de Ĉinio kaj Japanio en Qinzhou, Guangxi-a Ĝŭang-nacia Aŭtonoma Regiono en suda Ĉinio. Dum la startiga ceremonio ŝtatoficistoj de Ĉinio kaj Japanio diris, ke en tiu programo ambaŭ landoj subtenas unu la alian, kune fortigas forstumadon kaj protektadon de arbaroj kaj kune protektas la ekologian staton de Beibu-golfo ĉe Qinzhou.

Por tiu programo oni investos sume 2.575 milionojn da juanoj (ĉ. 7 juanoj = 1 usona dolaro) por konstrui 54.7 hektarojn da modela marborda arabaro kun alta nivelo kaj samtempe konstrui kontraŭondan reton 4432 metrojn longan. La du flankoj interkonsentis, ke la Interkomunika Fonduso de Japanio kaj Ĉinio por Verdigo ĉiujare helpos per 10 milionoj da enoj (100 enoj = 1 usona dolaro) tiun programon en la venontaj 3 jaroj.