La 2-an de januaro, 2009, la forstuma departemento de la Xinjiang-a Ujgura Aŭtonoma Regiono deklaris, ke Ĉinio kaj Unuiĝintaj Arabaj Emirlandoj (UAE) kunlaboras por kune protekti houbarojn, rarajn migrobirdojn vivantajn en Xinjiang kaj la Araba Duoninsulo.

Laŭdire, oni unue konstruos bredan centron de houbaroj por protekti kaj refortikigi la populacion de houbaroj kaj poste konstruos specialan rezervejon de houbaroj en la orienta parto de Junggar-baseno de Xinjiang.

Nun, la grupoj de houbaroj bredataj en Ĉinio rimarkinde grandiĝas kaj iliaj vivlokoj troviĝas en multaj lokoj de Ĉinio. Sole en Junggar-baseno de Xinjiang kaj ĉirkaŭaj lokoj vivas ĉ. 5 mil houbaroj, kies nombro okupas la unuan lokon inter la sovaĝaj grupoj de houbaroj en la mondo.