Por fari Lhasa urbo oportuna por loĝado, pli ol 1.7 miliardoj da juanoj (ĉ. 7 juanoj = 1 usona dolaro) estos investitaj en 2009 por efektivigi gravajn urbokonstruajn projektojn.

Pokapa verdaĵo areas 23.84 kvadratajn metrojn

Lastatempe la konstrua departemento de Lhasa faris senĉesan penadon por pliigi la verdaĵan terspacon, kaj dank' al aktiva partoprenado kaj subtenado de urbanoj, tiu laboro atingis rimarkindajn sukcesojn. Nun en la urbaj kvartaloj 32.41% de la tero estas kovritaj de verdaĵoj, kaj la pokapa verdaĵo atingis 23.84 kvadratajn metrojn.

Cida, vicestro de la konstrua departemento de Lhasa, diris, ke en 2009 Lhasa alprenos serion da rimedoj por pliigi verdaĵojn ĉe la vojoj, placoj kaj ĝardenoj, konfirmi la arbarizitajn unuojn kaj loĝkvartalojn, intensigi konstruadon de arbidokultivejoj kaj tutpopolan arbarizadon.

Investado de 1.7 miliardoj da juanoj por gravaj urbokonstruaj projektoj

Oni investos pli ol 1.7 miliardojn da juanoj en 2009 por efektivigi gravajn urbokonstruajn projektojn, kiuj inkluzivas konstruadon de 2 vojoj, ponto, akvodrenaj tuboj kaj traktejoj de malpura akvo, rekonstruadon al 8 urbaj vojoj, placo de Ramqe-templo k.a.

Plibonigo de la ekologia sekureco

Maljuna Qiangba, kiu faras fizikan ekzercadon en parko, diris al mi, ke en la lastaj jaroj, la ekologia medio de Lhasa pliboniĝis ne nur en ĝiaj urbokvartaloj, sed ankaŭ en ĝiaj antaŭurboj. Nun, eĉ en ventega tago ne vidiĝis multe da sablo kaj plastaj folioj. Li diris, ke li kaj lia edzino ofte ekskursis al la antaŭurboj, kaj ili propraokule vidis la pliboniĝon de la ekologia medio.