La 11-a de Julio 2007 estis la Monda Loĝantara Tago. Laǔ statistiko de la Loĝantara Fonduso de la Unuiĝintaj Nacioj, en tiu ĉi tago la loĝantaro en la urboj unua-foje superis duonon de tiu de la mondo. Disvolviĝo de urbanizado evidentigis problemojn energian, median, higienan, loĝadan, publik- sekurecan kaj diferencon inter riĉuloj kaj malriĉuloj. En tiu turniĝa tempo, kun historia signifo estas preparanta en Ŝanhajo de Ĉinio la Monda Ekspozicio kun la temo "Pli bela urbo, pli bona vivo". De la 1-a de majo ĝis la 31-a de oktobro, 2010, okazos en Ŝanhajo la ekspozicion, kiun partoprenos pli ol 70 milionoj da homfojoj el pli ol 200 landoj kaj internaciaj organizoj.

Ŝanhajo: centono da urbcentro por la Monda Ekspozicio

La Ĝardeno de la Monda Ekspozicio kun areo de 5.28 kvadrataj kilometroj okupas centonon de la urbcentro de Ŝanhajo. Ĝi estas la plej granda en la historio de la Monda Ekspozicio. Fakte, la gastiganto ne intencas krei novan rekordon, tamen la tieaj loĝkvartaloj kaj industriaj distrikoj bezonas urĝan rekonstruadon: pli ol 18 mil familioj tie havis ĉiun plankareon de 30 kvadrataj metroj, precipe en kvartaloj de kabanetoj enpremiĝis ofte kelkaj generacioj aŭ kelkaj familioj en unu domo. Kaj inter loĝejoj troviĝas 272 fabrikoj pri ŝip-konstruado kaj maŝin-produktado, el kiuj iuj jam havas historion de pli ol 100 jaroj. Tie troviĝas ankaǔ poluaj entreprenoj ŝtala, kemi-industria kaj elektroprodukta. La altaj fumtuboj, rigidaj gruoj kaj kadukaj domoj prezentas stagnecon kaj maljunecon de la loko.

Ĉe la fino de februaro de 2007, jam 18 mil familioj translokiĝis el la loko al du novkonstruitaj loĝdistriktoj "Famila Ĝardeno de la Monda Ekspozicio", ĉiu familio havas plankareon de 75 kvadrataj metroj; por la ĝardeno oni malkonstruis loĝejojn kun totala plankareo de 1.1 milionoj da kvadrataj metroj; 272 entreprenoj kaj oficejoj translokiĝis el la loko, 50% de la areo de la ĝardeno estas destinitaj por konstruoj de la Monda Ekspozicio; verdaj arboj anstataŭis la antaŭajn kadukajn loĝdomojn kaj poluajn fabrikdomojn, tio multe esperigas la urbanojn pri estonteco de la urbo.

"Jam antaŭ malfermo de la Monda Ekspozicio, ni jam ĝuas ĝian frukton: ni pasigis la novan jaron en nia nova domo," diris Zou Shufang, 56-jara translokiĝinto pro la ĝardeno.

Harmonieco altiras la tutan mondon

Se modernaj konstruaĵoj estas hardvara bazo de la ĝardeno, do la temo estas ĝia spirito. Plene esprimi la temon estas ŝlosilo por sukcesigi altnivelan ekspozicion. Protektado al intelekta proprieto decidas, ĉu partoprenantoj volontos montri siajn altnivelajn produktaĵojn en la ekspozicio, kio koncernas la nivelon kaj allogecon de la ekspozicio.

La temo de la Ŝanhaja Monda Ekspozicio estis decidita en la komenco de 2007. Sub la ĉefa temo de "Urbo plibonigos la vivon" oni respondos jenajn demandojn: Kia urbo plibonigos la vivon? Kiaj vivkoncepto kaj praktikado plibonigos urbon？Kaj kia urb-disvolva modelo plibonigos la mondon? La Ĉina Halo de la ekspozicio prezentos ĉinan saĝon kun harmonio kiel kerno.

Depost publikigo de la "Regulo pri la Signo de la Monda Ekspozicio" en la 1-a de decembro, 2004, Ĉinio fondis la Lokan Komitaton de la Monda Ekspozicio konsistantan el 30 ministrioj kiel gvidan instancon de la ekspozicio kaj aprobis en la komenco de la jaro 2007 la "Kompendion pri protektado de intelekta proprieto de la Monda Ekspozicio en 2010". La kompendio deklaris: "Tiuj, kiuj ne akiris permeson, estas malpermesitaj sonregistri, foti, filmi kaj surloke dissendi ion ajn pri la ekspozicion; la organizanto de la ekspozicio donos ekspozician ateston al la eksponaĵoj por ke la partoprenantoj havu privilegion en fabrikmark-registro por la novaj eksponaĵoj."

Ĝuu la ekspozicion kun la internacia socio

Deklaris gvidanto de la Komitato de la Ŝanhaja Monda Ekspozicio, ke depost 2006, la Ŝanhaja Buroo de la Monda Ekspozicio 380 fojojn akceptis oficistojn aŭ reprezentantojn de pli ol 50 landoj. Post varbado de ekspozicio-partoprenantoj, de marto de 2006 ĝis junio de 2007, 157 landaj kaj internaciaj organizoj konfirmis sian aliĝon la ekspozicio. Tiu nombro espereble atingos 170 ĉi-jare.

Krom varbi suverenecajn landojn, internaciajn organizojn kaj famajn entreprenojn ĉinajn kaj fremdlandajn, la organizanto de la ekspozicio kunlabore kun la Homloĝada Buroo de la Unuiĝintaj Nacioj, Internacia Ekspozicia Buroo kaj ĉina koncernaj departementoj, projektis "la plej bonan praktikan distrikton de urbo" kun areo de 10-12 hektaroj. Tiu distrikto sekvos sukcesan ekzemplon en solvado de problemoj pri energio, mediprotektado, trafikado, laborigo kaj setleja konstruo, por montri novan ideon pri la urba disvolvado. Ĝis nun al tiu iniciato pozitive reagis jam ĉ. 100 urboj.

Aliflanke, la organizanto de la ekspozicio konas, ke la ekspozicio en 2010 estas la unuafoje okzonta en disvolviĝanta lando. Kompare kun la landoj, kiuj jam gastigis, Ĉinio devas multe lerni, ĉar al ĝi mankas sperto.

V．G．Loscertales, ĝenerala sekretario de la Internacia Ekspozicia Buroo, diris: "La temo de la ekspozicio 'Urbo, plibonigos la vivon', estas ankaŭ la celo de urbekzistadoj." Li diris, ke la Ŝanhaja Monda Ekspozicio malfermos por la mondo fenestron de harmonia kunestado inter homoj, homoj kaj fueloj, homaro kaj naturo.