De la jaro 1985 dek miloj da mevoj flugas novembre de Siberio al Kunming, ĉefurbo de Yunnan-provinco, sudokcidenta Ĉinio, kaj restas tie ĝis marto de la venonta jaro.

Dum tiu ĉi periodo loĝantoj de la urbo Kunming venas al la loko, kie kolektiĝas mevoj, kaj donas al ili manĝaĵojn. La birdoj ne nur estas bela vidaĵo de la urbo, sed ankaǔ alportas al ĝi viglecon kaj ĝojon.

En la parko Cuihu situanta en la urba centro, dek miloj da mevoj estas tiel proksimaj al homoj, ke oni povas ilin tuŝi per la manoj. Gajaj homoj kaj kantantaj mevoj formas harmonian bildon en la urbo. Multaj ne komprenas, kial la mevoj venas post longa flugado al Kunming, kiu distancas fore de maro. Eble tio estas miraklo de amo. Tiuj ĉi senditoj de la naturo estas ŝatataj kaj protektataj de Kunming-anoj. Kiam oni bone protektas la medion, la naturo rekompencas per plimulto. Harmonio, toleremo, kompreno kaj respekto inter la homaro kaj la naturo estas fonto de la beleco kaj miraklo.