Loĝado-programo de Hejmlanda Programo de UN difinas, ke la normo de plej taŭga medio por homa loĝado en la informa erao estas kvieteco, pliboniĝo kaj altanivelo. Laŭ klasifiko de regiono, malsamaj lokoj devas havi malsamajn karakterizaĵojn de resurso kaj formi diversajn modalojn. La normo de la averaĝa areo por persono estas indiko de efektiva nivelo de loĝado. Sufiĉa por persona loĝ-areo estas premiso por krei bonan ekologian medion. Ekologia medio por homa loĝado emfazas uzon de resursoj kaj fueloj, alte taksas harmonian kunekziston de homoj kaj naturo, priatentas mediprotektadon kaj reutiligon de materialoj, kaj malmultigon de forĵetaĵoj, praktikas medi-protektadan principon. Antikva urbeto Shuhe en Yunnan-provinco, kun neĝaj montoj, riveroj, antikvaj domoj, belaj kampoj kaj nacimalplimulta folkloro konformas al la normo de Hejmlanda Programo de UN.

— La Red.

La urbeto Shuhe estas unu etendiĝinta parto de antikva konstruaĵaro de Lijiang, konstruita en dinastioj Ming (1368-1644) kaj Qing (1644-1911). La distanco de la antikva urbo Lijiang al Shuhe estas 4 kilometroj. Shuhe estas unu el la plej fruaj loĝlokoj de nacimalplimulto naŝi-nacio en urbo Lijiang. Kaj ĝi estas viva specimeno de transiro de agrikultura civilizacio al komerca civilizacio de naŝioj.

La protektata areo de urbeto Shuhe kovras unu kvadratan kilometron. Tie loĝas pli ol 3000 homoj de 1000 familioj. La urbeto estas konstruita sur montdeklivoj, ĉirkaŭ foiro estas radiantaj stratetoj. En la mezo de la urbeto estas kvadrata placo, kien fluas fontoakvo el stratetoj. Shuhe inkluzivas 7 vilaĝojn kaj havas multajn fontojn. Tie oni povas vidi neĝajn montojn, riverojn, antikvajn domojn, kampojn kaj nacimalplimultan folkloron. La urbo Lijiang, kiu estis metita en la liston de Mondaj Kulturaj Heredaĵoj de Unesko en 1997, inkludas vilaĝon Baisha, urbetojn Shuhe kaj Dayan.

En Shuhe, naŝi-nacio harmonie disvolviĝis pro prospera te-komerco kaj pluraj kulturoj. La te-komercado aperis kaj prosperis en Tang-dinastio antaŭ miljaroj. La vojo por komercistoj atingis Lhasa de Tibeto. La sekvantaj dinastioj Song, Yuan, Ming kaj Qing, Shuhe fariĝis unu el la kvar plej grandaj foiroj, kaj grava poŝta stacio sur la vojo de komercistoj.

Rilata artikolo:

Neforgesebla pitoreskejo Lijiang