La urbeto Nanxun kun historio de 745 jaroj
situas en Huzhou de Zhejiang, orienta Ĉinio. Ĝi estis unu el la
lokoj, kie frue burĝonis la nacia kapitalismo, amasiĝis riĉuloj,
prosperis ekonomio, aktivis komercistoj kaj elbakiĝis silkaĵ-komercistaro
la plej granda en la moderna historio de Ĉinio. Krom modestaj popolaj
moroj, buntas tie la kulturo.
Nanxun-anoj plejparte estas ne nur bonhavaj,
sed ankaŭ influitaj de okcidentaj kulturoj pro tio ke multaj el
ili studis aŭ komercis en Okcidento. Tial la loĝdomoj de la tieaj
famuloj distingiĝas per sia arkitekturo enkorpiganta la trajtojn
ĉinan kaj okcidentan. En la urbeto ankaŭ ordinaraj popolanoj loĝas
en domoj ornamitaj per gravuraĵoj elegantaj kaj antikvecaj. Ĝenerale,
antaŭ la
tieaj loĝdomoj fluas kanalo kun malgranda
kajo preskaŭ antaŭ ĉiu pordo, kie oni lavas vestojn, legomojn, rizon
ktp., kaj haltas preterpasantaj boatoj. Kompare kun akvovojoj, la
tieaj stratoj borderitaj de altaj muroj estas tre mallarĝaj, iuj
el ili povas trapasigi nur 2 homojn paralele.
La tieaj loĝdomoj kun blankaj muroj kaj
bluaj tegmentoj ambaŭborde de malnovaj stratoj kaj arkaj pontoj
super fluantaj riveretoj manifestas la longan historion kaj koloran
kulturon de la urbeto. Ili bone akordas kun tieaj naturaj pejzaĝoj
kaj formas ĉarman harmonian pentraĵon.
|