En intervjuado Gu Xiulian, vicprezidantino de la Tutlanda Popola Kongreso (TPK) kaj prezidantino de la Ĉina Virina Federacio, diris, ke de 2006 ĝis 2010, la ĉina registaro investos pli ol 200 miliardojn da juanoj (ĉ. 20 bilionoj da eŭroj) por ke la infanoj de malriĉaj kamparanaj familioj povu viziti lernejon dum la aĝo en la periodo de deviga edukado. Tio estas la plej grava rimedo de la ĉina registaro por edukado de neplenaĝuloj en la kamparo.

Gu Xiulian diris, ke pro la malegaleco de ekonomia disvolviĝo neekvilibreco en edukado ekzistas en Ĉinio, sed Ĉinio alprenis plurajn rimedojn por solvi tiun problemon, ekzemple, reviziante la Leĝon pri Protektado de Neplenaĝuloj, oni emfazis ke oni devas garantii devigan edukadon al la infanoj de malriĉaj familioj de la kamparo. De printempo de 2007, 148 milionoj da neplenaĝuloj en la kamparo de Ĉinio ricevos senpagan edukadon. La registaro monhelpos la infanojn de malriĉaj familioj.