En la lastaj jaroj aperis en Pekino pli kaj pli multe da okcidentaj restoracioj kaj restoracioj de okcidentaj tujmanĝaĵoj. Laŭ nekompleta statistiko, en Pekino estas pli ol 600 okcidentaj restoracioj inkluzive de tiuj en hoteloj. Sube ni konigos al vi kelkajn el ili.

Moskva Restoracio

La restoracio en 135# Xizhimenwai-strato en Xicheng-distrikto de Pekino havas historion de ĉirkaŭ 50 jaroj. La restoracio fame konata pro manĝaĵoj rusgustaj liveras ankaŭ manĝaĵojn de gustoj brita, franca, germana kaj itala. Tie oni ĝuas ne nur bongustajn frandaĵojn, sed ankaŭ imponan kaj luksan konstruan stilon, originalan rusan muzikon kaj ridetojn de servistoj en naciaj vestoj.

La 1300-kvadratmetra restoracio kun kelkaj salonoj kaj 8 separeoj povas gastigi samtempe 600 personojn. Tie oni povas okazigi bankedon, geedziĝan ceremonion, gazetaran konferencon pri produktaĵoj kaj komercan kunvenon.

Tel.: (86) 010-68316677-2670

Restoracio Maksimo

La restoracio situas en 2# Okcidenta Chongwenmen-strato en Chongwen-distrikto de Pekino. En la restoracio dekorita per lignaj gravuraĵoj, lucernoj, murlampoj kaj kristalaj fenestroj, laŭ stilo de Maksimo en Parizo, oni sentas sin kvazaŭ en franca kortego de la 19-a jarcento. En la restoracio estas ne nur kopioj de pentraĵoj de Luvro de Parizo, sed ankaŭ tiuj de la Imperiestra Palaco de Pekino.

Krom kuirejestro Alan el Francio la restoracio havas ankaŭ du pekinajn majstro-kuiristojn, pekinan majstro-kukiston kaj aliajn kuiristojn trejnitajn en Parizo.

En la restoracio troviĝas halo, kafejo kaj 10 salonetoj. Tie oni povas aranĝi bankedon 300-homan aŭ 500-homan koktelan festenon aŭ memservan manĝadon. Krome la restoracio havas kukejon, kies kukoj renomiĝas en Pekino pro siaj multaj specoj kaj bona kvalito.

Tel.: (86) 010-65121992

Restoracio Danielo

La itala restoracio Danielo troviĝas en la Pekina Internacia Klubo, 21# Jianguomenwai-strato en Chaoyang-distrikto de Pekino. Tie oni povas ĝui ne nur bongustajn manĝaĵojn, sed ankaŭ romantikon de antikva Romo.

La dekoro de la restoracio portas italan guston. La murornamaĵoj kaj plankaj brikoj estas pentritaj en delikata koloro kaj sur freskoj kaj menuoj temas pri belaj rakontoj pri Biblio. En lumo de lustroj la palisandraj mebloj, ruĝaj vinoj sur bretaro kaj apogseĝoj en antikva stilo spiras antikvecon kaj misterecon.

Danielo estas unu el la plej bonaj italaj restoracioj en Pekino kaj ankaŭ plej bona por gustumi freŝan trufon. La restoracio kun du partoj interna kaj ekstera estas ankaŭ ideala loko por komerca kontaktiĝo.

Tel.: (86) 010-64606688

Restoracio Atena

La greka restoracio Atena situas en 1# Xiwujie-strato de Sanlitun en Chaoyang-distrikto de Pekino najbare al la ambasadorejoj hispana kaj germana. Ĝi, liveranta ĉefe frandaĵojn grekgustajn, servigas ankaŭ kafejon kaj bufedejon.

La restoracio kun areo de 300 kvadrataj metroj havas 80 sidlokojn. Tie oni povas gustumi originalajn grekajn manĝaĵojn kaj rostaĵojn. Krom bongustaj frandaĵoj la klientoj povas ankaŭ ĝui la dekoron grekstilan, tradiciajn artaĵojn, librojn kaj fotojn de Grekio. Tie okazas neregula ĉina-greka kultur-interŝanĝa aktivado.

Tel.: (86) 010-64646036

Restoracio Schlotzsky

Situanta en Yingke-centro en 2#-A Gongtibeilu en Chaoyang-distrikto de Pekino, la restoracio liveras ĉefe usongustajn manĝaĵojn, kiaj sandviĉoj, salatoj kaj supo. Vespere kiel bufedejo kun muziko ĝi estas ankaŭ amuzejo de gejunuloj.

Tie la panoj, sandviĉoj kaj picoj estas la plej ŝatataj.

Tel.: (86) 010-65393922

Kafejo Tero-Patrino

La kafejo en 1# Baijiazhuanglu en Chaoyang-distrikto de Pekino havas areon de 1300 kvadrataj metroj. La dekoracio de la kafejo temas pri tropika pluvarbaro. En la kafejo oni povas vidi altajn arbojn kaj versimilajn elefantojn kaj orangutangojn kaj ĝuas harmonion de homo kaj naturo.

Prenante bifstekon kiel ĉefan pladon, la kafejo liveras ankaŭ frandaĵojn kun itala kaj franca gustoj, kiaj supo el cepoj, itala supo el legomoj, diversaj panoj, hamburgeroj, sandviĉoj, spagetoj kaj picoj.

Tel.: (86) 010-65031099