Shandong-a gastronomio estas unu el la ĉefaj 8 kulinaraj stiloj de Ĉinio kaj reprezentanto de pladoj de norda Ĉinio.

Shandong-provinco situas en malsupran basenon de la Flava Rivero kaj havas mildan klimaton. Jiaodong-duoninsulo, ĉirkaŭata de Bohai-maro kaj la Flava Maro, estas grava parto de Shandong-provinco kaj abundas je grenaj plantaĵoj, legomoj kaj akvoproduktaĵoj, kiuj liveras riĉajn materialojn por la Shandong-a gastronomio.

En Shandong estas pli ol 30-specaj gastronomioj, el ili rapida fritado kaj stufado portas apartan lokan trajton.

Sekve de evoluo de historio kaj disvolviĝo de ekonomio, kulturo kaj trafikado, la shandong-a gastronomio iom post iom dividiĝis en 3 branĉojn, t.e. la Ji’nan-a, reprezentanto de pladoj kun gusto de interna lando, la Jiaodong-a, tiuj en gustoj de ĉemaraj regionoj kaj tiu de la konfucea familio por altrangaj burokratoj kaj nobeloj.
La ji’nan-aj pladoj estas preparitaj el diversaj materialoj, kiaj kreskaĵoj maraj kaj montaj, melonoj, fruktoj, legomoj, toŭfuo, internaĵoj de kortaj birdoj kaj bestoj. Ĉiu Ji’nan-a plado havas sian apartan guston.

“Vaz-viando” estas unu el la famaj Ji’nan-aj pladoj. La plado estis kreita de Fengjilou-restoracio antaŭ pli ol cent jaroj. Ties kuiristoj metis porkan ripaĵon kunmiksitan kun kondimentoj kaj spico en vazon por stufado per malforta fajro, ĝis kiam la ripaĵo ruĝiĝis. Tiam estas preta la plado el viandaĵoj delikataj kaj bongustaj. Ĝi portas la nomon “Vaz-viando” pro tio, ke oni stufas ĝin en porcelana vazo.

La Jiaodong-aj pladoj estas faritaj plejparte el marproduktaĵoj. Tie oni povas prepari plurajn bankedojn nur el marproduktaĵoj, ekz. bankedoj ekskluzive el fiŝo, ŝarkonaĝilo, holoturio, krabo aŭ malgrandaj marestaĵoj.

Jiaodong-duoninsulo havas longan marbordon. En printempo kaj aŭtuno inter Bohai-maro kaj la Flava Maro ir-revene naĝas salikokoj. Ili estas ofte uzataj kiel materialo por prepari pladojn, ekz. fama frikasita salikoko”.

Ĉar la Konfucea familio havis apartan signifon en la feŭda historio de Ĉinio, do estas plene konservata ĝia gastronomio kun komplika procedo, kaj servis al la Kortego en la periodo de Qianlong (1736-1795 sur la trono), imperiestro de Qing-dinastio. Ili ĉiam tenas siajn tradiciajn trajtojn kaj okupas gravan lokon en la Shandong-a gastronomio.

“Fea anaso” estas unu el famaj tradiciaj pladoj en la menuo de la konfucea familio. Laŭdire, en fino de la 19-a jarcento Kong Fanpo, prafilo de la 74-a generacio de Konfuceo, laboris kiel mandareno en Shanxi-provinco. Liaj kuiristoj faris pladon el anaso. Ili elprenis oston de anaso, enmetis anasviandon kun kondimentoj en bovlon kaj ĝin kovris per kovrilo por vaporumi en tradicia bolpoto. Tiu ĉi plado el anaso estas delikata kaj bongusta kun aparta trajto. Ĝin manĝinte, Kong Fanpo aplaŭdis ĝian guston kaj donis al ĝi la nomon “Fea anaso”.

En Pekino troviĝas multe da restoracioj de Shandong-aj pladoj. Pekinanoj ŝatas tian guston.