En Ĉinio estas tri specoj da vegetaraj gastronomioj,
t.e. la templa, kortega kaj popola. La templaj pladoj estas ĝuataj
de monaĥoj kaj pilgrimantoj, la kortegaj estis frandataj de imperiestroj
kaj liaj familianoj en fastado, kaj la popolaj formiĝis en restoracioj
surbaze de la menuo de tradicia vegetara kuirarto, templa kaj kortega
kuirartoj el vegetaloj.
En Ĉinio cirkulas jena diro: brasiko kaj rafano gardas
la sanon. Kiel sanigaj manĝaĵoj, vegetaraj pladoj estas pli kaj
pli vaste ŝatataj. Pli kaj pli multaj homoj fariĝis vegetaranoj
ne pro religio, sed pro modo de frandado.
Restoracio
Luno-Lotuso
La
nomata restoracio kun 150 lokoj en separeoj sidas en la domo n-ro
12 de Liufangnanli en la distrikto Chaoyang de Pekino. Kun eleganteco,
origineco kaj kvieteco, ĝi estas ideala loko por rendevuo de amikoj
kaj parencoj. Tie la pokapa pago estas nur 40-60 juanoj (ĉ. 4-6
eŭroj) kaj la pladoj havas gustojn de la templaj manĝaĵoj, kaj ankaŭ
trajtojn de vegetalaj pladoj kortegaj, popolaj, eŭropaj kaj amerikaj.
En la restoracio la klientoj povas ĝui dekojn da pladoj, kiaj freŝaj
asparagoj frititaj kun misoo kaj kolokasioj stufitaj en kaserolo.
Tie estas salono taŭga por kunveno kaj kunmanĝado de
20-40 homoj, ekspozicio de kaligrafaĵoj kaj pentraĵoj k. a. Tie
oni liveras ankaŭ bankedon je 300-9000 juanoj (ĉ. 30-900 eŭroj)
por 8-10 gastoj.
Tel.: (86) 010-64653299
Restoracio
Jiaheyuan
La
restoracio situas sudokcidente de la Vojkruciĝo Jishuitan ĉe la
norda parto de la Dua Rondŝoseo en Pekino. La plej profunda impreso
donita de la restoracio estas prosperaj bambuoj ambaŭflanke de la
vojeto en la pordo. Dank' al arta aranĝo de purpuraj bambuaroj en
la 260-kvadratmetra restoracio, oni sentas sin komforte kaj agrable.
Tie estas 100 sidlokoj kaj 5 separeoj.
La restoracio liveras pladojn de la Guangdong-a gastronomio.
Plej ŝatataj estas ĝiaj pladoj el melonoj kaj fungoj. La vegetalaj
pladoj aspektas kaj gustas same kiel tiuj el viando kaj fiŝo. Antaŭ
manĝado klientoj povas legi librojn, ludi ŝakojn kaj apreci kaligrafaĵojn
kaj pentraĵojn en la restoracio. Ĉinstilaj separeoj kun antikveco
taŭgas por pli ol 20 homoj.
Tel.: (86) 010-62261846
Restoracio
Yiyangzhai
La
pli-ol-100-kvadratmetra restoracio troviĝas en la domo n-ro 1 de
Yiyuan-kvartalo de Anhuibeili en la distrikto Chaoyang de Pekino.
Kiam oni eniras en la restoracion, ilin bonvenigas pentraĵo pri
lotuso. En la restoracio pendas multaj fotoj pri tibetaj folkloroj
faritaj de amikoj de la mastro. La restoracio kun plako pavimita
per nigraj brikoj estas meblita de lignaj tabloj kaj seĝoj. Lignaj
gravuritaj pordoj donas al klientoj relative intiman privatecon.
La tieaj karakterizaj pladoj estas vegetalaj viandaĵoj
frikasitaj, vegetalaj haliotoj, vegetalaj kokaĵaj buletoj pipre
frititaj, verdaj holoturioj k.a. La vegetalaj viandaĵoj frikasitaj
aspektas kaj gustas tute kiel vera viando, ke foje knabino eĉ forigis
la "grasajn" pecetojn el la plado. Vegetalaj haliotoj
estas preparitaj en du manieroj, la unua estas mustardi ilin kaj
la dua – kuiri. Verdaj holoturioj kune kun pecetoj de verda florbrasiko
ĉirkaŭe en la plado estas freŝaj kaj gustoplenaj. La tieaj pladoj
estas faritaj ĉiuj el tofuo, ovo kaj bambuŝoso.
Ankaŭ ĝia teo estas originala. Teo el prilaboritaj
bambuaj folioj kaj teo el tri krizantemo, tropeolo kaj lilio estas
tre aromaj.
Tel.: (86) 010-64976535
Restoracio
Ambrozio
La restoracio situas en 57# Dengshikou-strato en la
distrikto Dongcheng de Pekino.
La originala frandaĵo de la restoracio estas torto sen ovo kaj "viandaj"
pladoj el ananaso, sojfaba proteino kaj amelo de taro.
Tel.: (86) 010-65242349
Restoracio
Godly
Godly
en 58# Qianmen-strato en la distrikto Chongwen estas unika restoracio
de vegetalaj pladoj de la templa gastronomio en Pekino. La plej
frua restoracio Godly estis fondita en Ŝanhajo en 1922 kaj la pekina
– en 1984.
La dekorado de restoracio portas antikvan guston. En
la haloj Avalokiteŝvaro kaj Arhat kultiĝas Budho kaj sur la muroj
estas budhismaj freskoj.
La restoracio regalas klientojn per vegetalaj pladoj
de Yangzhou-a gastronomio.
Tel.: (86)010-67020867
Restoracio
Mil Lotusoj
La
restoracio en 30#-A de strato Gaoliangqiao Xiejie nordokcidente
de Xizhimen kvankam ekfunkciis antaŭ nelonge, tamen estas multe
frekventata de klientoj pro eleganta medio kaj densa kultura etoso.
En angulo de la halo kultiĝas ligna skulptaĵo de Mil-braka Avalokiteŝvaro.
La originalaj frandaĵoj de la restoracio estas pika
ŝafaĵo-grapolo, langusto, rostita anaso ĉiuj faritaj el vegetaloj.
Tel.: (86)010-62255792
|