Guangdong-a
gastronomio estas unu el la 8 ĉefaj kulinaraj stiloj de Ĉinio. Guangdong
situas sur ĉemara ebenaĵo kun bona klimato kaj abundo da naturaj
resursoj, dank' al tiuj naturdotitaj avantaĝoj la Guangdong-a gastronomio
bone evoluis.
La Guangdong-a gastronomio formiĝis plej frue kaj donas
plej grandan influon kompare kun la aliaj. Ĝi renomiĝas per varieco
kaj kuriozeco de la materialoj kaj aliaj trajtoj. La Guangdong-aj
pladoj multe asimilis aliajn kuirartojn ĉinajn kaj eŭropajn, donante
grandan atenton al freŝeco kaj refreŝigeco kaj, kombinate kun aliaj
trajtoj de la tradiciaj pladoj.
Nun
surbaze de siaj tradiciaj trajtoj, la Guangdong-aj pladoj senĉese
renoviĝis spece kaj guste. Ekz., el la Jiangsu-aj pladoj estas fama
Mandarena Fiŝo Sciur-forma. Oni preparas ĝin el la tuta mandarena
fiŝo, tranĉinte la fiŝon en formon de krizantemo. Guangdong-aj kuiristoj
reformis ĝin per jenaj manieroj: Detranĉi kaj platigi la kapon.
Forigi la ostojn, sterni ĝin kun haŭto sube, kruce tranĉi ĝin profunde
je 4/5 sen rompi la haŭton. La plado estas nomata Fiŝo Krizantem-forma.
Ankaŭ la Guangdong-a gastronomio lernis multe de la
aliaj en norda Ĉinio, ekz., stufado. Unue maceri materialon en miksaĵo
de kondimentoj, poste rosti ĝin ĝis moliĝo, fine enverŝi amelon
miksitan kun akvo, kuiri mallonge kaj iom da oleo. Jen kuirmaniero
en norda Ĉinio. Kaj Guangdong-aj kuiristoj iom ŝanĝis la manieron.
Unue brezi aŭ vaporigi materialon, poste verŝi sur ĝin amelon miksitan
kun akvo kaj mallonge stufi ĝin. La karakterizaj pladoj estas stufita
anaso kun 8 altvaloraj legomoj, kokoviandaj strietoj stufitaj kun
konfitita porkoviando.
Krome,
fritarto de la Guangdong-a gastronomio formiĝis inspirite de tiu
de la eŭropa kuirarto.
La grava kialo, ke la Guangdong-aj pladoj kunfandiĝis
kun kuirarto de norda Ĉinio, kuŝas en tio, ke historie multaj ŝtatoficistoj,
senditaj al la loko por laboro aŭ pro ekziliĝo, alportis kuirarton
el norda Ĉinio. Intertempe multaj eminentaj kuiristoj instruis sian
arton al siaj kolegoj de la loko aŭ funkciigis butikon aŭ restoracion.
Ĉio tio konsistigis la Guangdong-an gastronomion.
|