Ĉinio estas lando kun 56 nacioj. Escepte de kelkaj nacimalplimultoj, kiuj tabuas vintrinkadon pro religio aŭ kredo, plejparto de la nacioj ŝatas vintrinkadon. Ne nur paŝtnomadaj nacioj, ekz. mongola kaj tibeta, havas siajn apartajn vinojn, kiaj vinoj lakta kaj sekala, sed ankaŭ mjaŭ- kaj tuĝja-nacioj vivantaj en montaroj trinkas sian propran vinon, kia rizvino. En Ĉinio nacimalplimultoj havas longtempan amikan rilaton kun han-nacio, pro tio iliaj kutimoj kaj moroj iom post iom kunfandiĝis kun la hana. Malgraŭ tio ili konservas ankoraŭ siajn proprajn etiketojn kaj morojn pri vinotrinkado.

Sube estas kelkaj moroj pri vintrinkado en Ĉinio.

"Inviti al vintrinko" estas tradicia maniero por inviti gastojn al vintrinkado. Komence de bankedo, la mastro unue faras mallongan parolon kaj poste invitas gastojn al vintrinko. Tiam ĉiuj devas stariĝi, la mastro la unua eltrinkas la vinon en la taso unuspire kaj renversas la malplenan tason por prezenti respekton al la gastoj. Laŭ kutimo ankaŭ la gastoj devas eltrinki la vinon en la taso.

"Reciproki trinkinviton": Post kiam la mastro finas sian inviton, la gastoj devas individue aŭ kolektive reciproki ĝin por esprimi sian dankemon.

"Interproponi vintrinkon" inter la gastoj. Kutime oni ofte elpensas diversajn motivojn por instigi la proponitojn multe trinki. Se la proponito ne povas trovi taŭgan pretekston por rifuzi trinkadon, li devas tuj eltrinki la vinon prezentitan.

"Trinki anstataŭ alia": Se mastro aŭ gasto ne povas trinki aŭ jam multe trinkas, li povas peti sian bonan amikon anstataŭ lin por trinki la prezentatan vinon. En geedziĝa ceremonio la akompanantoj de la novaj geedzoj ludas ĉefajn rolojn por trinki vinon anstataŭ la novaj geedzoj.

"Vintrinki pro puno": Tio estas aparta moro de ĉinoj pri vintrinkado, kaj per tiu ĉi maniero oni ŝerce punas tiun, kiu malfruas en bankedo, la punato devas trinki 3 tasojn da vino.

"Vintrinki por celebrado de monatiĝo de bebo aŭ ĝiaj cent tagoj". En Ĉinio ĉiu nacio havas tian moron: Kiam naskiĝis bebo, liaj familianoj devas prepari bankedon por celebri ĝian monatiĝon aŭ ĝiajn cent tagojn, kaj invitante parencojn kaj amikojn, kiuj venas al la bankedo kun ĝojo kaj donacoj aŭ mono por la bebo.

"Vintrinki por festi datrevenon de naskiĝtago de maljunulo": Ĉinoj havas moron festi jariĝojn 50-an, 60-an kaj 70-an... Tiam gefiloj aŭ genepoj de la maljunulo aranĝas bankedon kaj invitas al ĝi parencojn kaj amikojn.

"Vintrinki por meti ĉeftrabon aŭ eniri en domon": En kamparo de Ĉinio konstruado de domoj estas unu el gravaj aferoj. Dum la konstruado meto de ĉeftrabo estas plej grava laborprocedo. Tiam oni vintrinkas por esprimi bondeziron. En iuj lokoj oni havas kutimon verŝi alkoholaĵon sur ĉeftrabon. Kiam la domo estas finkonstruita, oni vintrinkas por celebri transloĝiĝon kaj peti dian benon.

"Vintrinki por festi komencon de entrepreno aŭ por dividi inter si dividendojn": Ĉe malfermo de butiko kaj metiejo la mastro preparas bankedon por celebrado; ĉe jarfino la mastro aranĝas bankedon kaj vintrinkas por dividi dividendojn laŭ akcio.

"Vintrinki por adiaŭo": Kiam amikoj iras malproksimen, oni preparas bankedon kaj vintrinkas por adiaŭo. En militado kiam bravuloj iris plenumi gravan kaj danĝeran taskon, komandanto prezentis al ili po taso da alkoholaĵo por kuraĝigi kaj adiaŭi ilin.

"Vintrinki por festi la Novjaron": Ĉinoj multe atentas la Printempan Feston, novjaron laǔ la ĉina luna kalendaro. En la jarfina vespero la tuta familio ofte rekuniĝas kaj ĝuas abundan bankedon, tiam necesas vino, iuj eĉ havas kutimon pasigi la nokton per vintrinkado.