Keiji Fukuda, adjunkto de la ĝenerala direktoro pri Sano-sekureco kaj Medio-administrado de la Monda Organizo por Sano (MOS), diris en Ĝenevo la 4-an de majo, ke kvaranteno estas longdaǔra kaj difinita principo por preventi infektajn malsanojn.

En la gazetara konferenco okazigita de MOS Keiji Fukuda respondis al meksika raportisto pri kvaranteno en Ĉinio kaj aliaj landoj: "En specialaj cirkonstancoj la institucioj povas fari kvarantenon. Tio estas longdaǔra kaj difinita principo por preventi infektajn malsanojn." Li diris ankaǔ, ke oni ne havas "fiksajn preskribojn" kontraŭ infektaj malsanoj, tial malsamaj landoj povas alpreni malsamajn kontraǔrimedojn.

Li emfazis, ke pro daŭra etendiĝo de la epidemio kaj malfacila prognozo de la nova viruso, plej gravas, ke ĉiuj landoj tenas altan singardemon kaj rigore superregas ĝian cirkuladon. Li diris, ke nun la landoj en la suda hemisfero eniras en vintron kaj periodon kiam vigle cirkulas la gripo, preventado en tiuj landoj estas precipe grava.