En la fino de marto la usona aviada kompanio Unuigitaj Aerlinioj oficiale inaŭguris la rektan flugon de la Pekina Ĉefurba Flughaveno al la Vaŝingtona Dulles-a Internacia Flughaveno. Tio estas la unua rekta flugo inter la du ĉefurboj.

Glenn Tilton, prezidanto de la usona aviada kompanio Unuigitaj Aerlinioj, diris, ke Pekino kaj Vaŝingtono ambaŭ estas en la vico de gravaj ĉefurboj de la mondo, ilia interligo forte akcelos reciprokadon de la du landoj en politiko, komerco kaj kulturo, tial la unua flugo povas esti historia evento.