La
27-an de aprilo Liu Jianchao, proparolanto de la Ministerio de Eksteraj
Aferoj de Ĉinio, diris en regula gazetara konferenco, ke Ĉinio forte
oponas la arbitran eksplikon de la plej supera juĝejo de Japanio
pri la artikoloj de reparacio en la Komuna Deklaro de Ĉinio kaj
Japanio, en kiu la ĉina registaro proklamas forlasi la postulon
pri reparacio de Japanio al Ĉinio pro la agresa milito de Japanio
kontraŭ Ĉinio.
Liu rimarkigis, ke la ekspliko estas kontraŭleĝa kaj
senvalida. La ĉina registaro jam atentigis la japanan registaron,
ke ĝi serioze vizaĝu al la zorgo de Ĉinio.
Japanio perforte laborigis kaj sklavigis ĉinojn dum
sia agresa milito kontraŭ Ĉinio. Tio estas serioza krimo de la japana
militarismo kontraŭ ĉinoj kaj reala grava homarajta problemo, kiu
ankoraŭ ne estas solvita. Ĉinio postulas, ke Japanio bone solvu
la problemon konsidere sian respondecon al la historio.
|