En la 7-a de majo ĉina ŝtata prezidanto Hu Jintao sendis telegramon al Nicolas Sarkozy por esprimi sinceran gratulon kaj bondezirojn, ke li estis elektita kiel franca prezidento.

Hu diris en la telegramo, ke en la lastaj jaroj profunde disvolviĝis ĉiuflankaj strategiaj partneraj rilatoj inter Ĉinio kaj Francio. La du flankoj gajnis gravajn progresojn en politiko, ekonomio, komercado, scienco, teknologio, kulturo, edukado, justico kaj aliaj kampoj, kaj intime kunlaboris en kune zorgataj gravaj problemoj. La duflankaj interrilatoj jam fariĝis modelo por landoj kun diferencaj historio, kultura tradicio kaj disvolva nivelo en reciproka respekto kaj amika kunestado. Pluapaŝa evoluado de la ĉiuflankaj strategiaj partneraj rilatoj inter Ĉinio kaj Francio ne nur konformas al bazaj interesoj de la du popoloj, sed ankaŭ favoras al paco, stabileco kaj evoluado de la tuta mondo. Li diris: "En la nova historia kondiĉo, observante la principon kaj spiriton de la Komuna Deklaro de Ĉinio kaj Francio kaj aliaj gravaj dokumentoj, mi volontas teni kaj antaŭenpuŝi la dulandajn rilatojn kune kun vi kaj skribi novan paĝon pri la amikeco kaj ampleksa kunlaboro de Ĉinio kaj Francio, ĉiam konsidere la strategian altecon kaj longtempecon."