La 23-an de majo fermiĝis en Vaŝingtono la dua strategia ekonomia dialogo inter Ĉinio kaj Usono. La fermon kune prezidis Wu Yi, vicĉefministro de la Ŝtata Konsilantaro de Ĉinio kaj speciala delegito de ĉina prezidanto Hu Jintao, kaj Henry Paulson, financa ministro de Usono kaj speciala delegito de usona prezidento George W. Bush. Ili faris paroladon pri rezulto de la dialogo.

Wu diris, ke la komercaj rilatoj inter Ĉinio kaj Usono konsistigas parton de la plej komplikaj komercaj rilatoj tutmonde. Por bone trakti tiujn rilatojn kaj senĉese antaŭenigi komercajn kunlaborojn inter la du landoj, Ĉinio kaj Usono devas havi saĝecon, bravecon kaj kapablecon kaj fari kreivan laboron, sincerajn dialogojn kaj interŝanĝojn, laŭ la principo “egalrajta interkonsiliĝo kaj reciproka profitigo”. La dialogo estas bona kunlabora platformo kaj ŝanco por la du landoj. Ĉinio deziras pere de tiu ĉi platformo klopodi kune kun Usono por antaŭenpuŝi komercajn interrilatojn kaj konstruivajn kunlaborojn de ambaŭ landoj.

Paulson diris, ke post la unua strategia ekonomia dialogo inter Usono kaj Ĉinio, la du flankoj diskutis la komunajn ekonomiajn interesojn surbaze de reciproka respekto. La malferma kaj pozitiva sinteno de Ĉinio dum tiu ĉi dialogo donis profundan impreson al Usono. La komercaj rilatoj inter Usono kaj Ĉinio disvolviĝu laŭ la ĝusta vojo, tio estas ege grava por la du popoloj kaj ankaŭ por la tutmonda ekonomio. Usono kaj Ĉinio devas interŝanĝi opiniojn konstante, subigi malakordon, teni ekvilibran disvolviĝon de la ekonomiaj interrilatoj por efektivigi reciprokan profitigon kaj impulsi ekonomian kreskadon ambaŭlandan kaj tutmondan.

La du flankoj decidis, ke la tria strategia ekonomia dialogo inter Ĉinio kaj Usono okazos en Pekino decembre.