La 4-an de junio Wu Bangguo, prezidanto de la Konstanta Komitato de la Tutlanda Popola Kongreso de Ĉinio, intervidiĝis en Pekino kun Ricardo Alarcon de Quesada, prezidanto de la Popola Forto de la Ŝtata Asembleo de Kubo.

Wu Bangguo alte taksis la interrilatojn de la du landoj. Li diris, ke en la lastaj jaroj pro rekta gvidado kaj zorgado de altaj gvidantoj de la du landoj, la kunlaboraj interrilatoj de Ĉinio kaj Kubo stabile disvolviĝas kaj nun troviĝas en la plej bona periodo en la historio.

Ĉinio dankas Kubon pro ĝia subteno en la problemoj de Taiwan, Tibeto kaj homrajto. Ĉinio daŭre subtenas Kubon en ĝia defendo de la ŝtata suvereneco kaj en ĝia batalo kontraŭ eksteraj intervenoj. La du partioj kaj du landoj disvolviĝas laŭ siaj propraj vojoj. Ĉinio deziras kune kun Kubo profundigi inter si politikan fidon kaj antaŭenpuŝi pragmatan kunlaboron, akceli kunlaboron en internaciaj aferoj, pliintimigi la interrilatojn de la du partioj kaj de la du landoj kaj profitigi la du popolojn.

Ricardo Alarcon de Quesada konsentis kun Wu Bangguo. Li diris, ke la partio kaj popolo de Kubo pliintensigos kiel antaŭe la kunlaborajn interrilatojn de Kubo kaj Ĉinio.