La 5-an de junio s-ino Jiang Yu, proparolanto de la Ministerio de Eksteraj Aferoj de Ĉinio, diris en Pekino, ke por sia politika celo Usono faras jaro post jaro kritikon kaj atakon al Ĉinio pri la politika tumulto en 1989, per tio Usono malobservis la bazan kriterion de la internaciaj rilatoj kaj krude intervenis en internajn aferojn de Ĉinio. Ĉinio esprimas siajn fortan malkontenton kaj firman oponon kontraŭ tio.

Antaŭ nelonge, proparolanto de la ŝtata departemento de Usono faris "skriban parolon" pri la politika tumulto okazinta en Pekino en 1989. Demandite de ĵurnalisto pri tio, Jiang diris, ke tiu ĉi politika tumulto jam havis eksplicitan konkludon antaŭ longe. De la lastaj 20 jaroj stabilas la ĉina socio, evoluas la ĉina ekonomio, senĉese progresas la demokratia kaj leĝ-sistema konstruado en Ĉinio, kaj la ĉina popolo laŭleĝe ĝuas la homrajtan liberecon. La ĉinaj registaro kaj popolo firme kaj senŝanceliĝe marŝos laŭ la socialisma vojo kun la ĉina trajto.

Jiang diris ankaŭ, ke Ĉinio postulas, ke Usono ĉesigu sian eraran agadon kaj introspektu siajn proprajn problemojn seriozajn pri la atencado de homrajtoj en- kaj eksterlande.