La 6-an de junio okazis en Pekino kunsido memore al la 10-jariĝo de praktiko de la Baza Leĝo de la Hongkong-a Speciala Administra Regiono. Ĝin ĉeestis Wu Bangguo, prezidanto de la Konstanta Komitato de la Tutlanda Popola Kongreso de Ĉinio, Zeng Qinghong, ĉina vicprezidanto, Tung Chee-hwa, antaŭa administra ĉefo de la Hongkong-a Speciala Administra Regiono, Donald Tsang, administra ĉefo de la Hongkong-a Speciala Administra Regiono, kaj fakuloj de la ĉina ĉeftero kaj Hongkong.

Wu Bangguo diris, ke krom prefaco, la leĝo konsistas el 9 ĉapitroj, 160 artikoloj kaj 3 aneksaĵoj. Ili koncernas diversajn aferojn de la regiono, sed la spirito de la leĝo estas "unu lando kun du sistemoj". Oni devas bone kompreni la esencon de la leĝo, senŝanceliĝe praktiki la politikon "unu lando kun du sistemoj" kaj observi la leĝon.

Donald Tsang diris, ke post sia reveno al la patrolando kaj sub la garantio de la baza leĝo, Hongkong konservas siajn internaciajn trajtojn, praktikas leĝan administradon kaj ĝuas diversajn liberecojn. Dank' al prizorgado kaj subteno de la centra registaro kaj sia propra strebado, Honkong jam akiris gravajn fruktojn, kaj tio estas ĝenerale konfirmita de la internacia komunumo. La 10 jaroj de la praktikado de la leĝo estas jaroj, en kiuj la centra registaro regajnis sian suverenecon super Hongkong kaj Hongkong praktikis sian altan aŭtonomecon.