La 7-an de junio s-ino Ou Xinqian, vicdirektoro de la Ŝtata Komisiono
por Disvolvo kaj Reformado de Ĉinio, diris en Pekino, ke la produktovaloro
de la mezaj kaj malgrandaj entreprenoj okupas nun 60% de la totala
enlanda produktovaloro de Ĉinio. Tiuj entreprenoj ja fariĝis grava
forto akcelanta ekonomian disvolviĝon de Ĉinio.
Ŝi diris en la gazetara konferenco okazinta en la sama
tago, ke nun estas en Ĉinio 42 milionoj da mezaj kaj malgrandaj
entreprenoj. Ili konsistigas 99% de la totala nombro de la ĉinaj
entreprenoj kaj liveras pli ol 75% de laborpostenoj en urboj.
Ou Xinqian diris ankaŭ, ke estonte Ĉinio klopodos por
plibonigi la disvolvan medion de tiuj entreprenoj, solvi malfacilojn
en ilia monkolektado, intensigi ilian rektan monkolektadon kaj konstrui
platformon por ilia ekspluatado de ekstera merkato.
|