Por celebri la duan "Tagon de Kultura Heredaĵo" la Ministerio
de Kulturo de Ĉinio okazigis en Pekino la 9-an de junio ekspozicion
de nemateriaj kulturaj heredaĵoj de Ĉinio. Ĉina ĉefministro Wen
Jiabao vizitis ĝin.
Tiu ĉi ekspozicio konsistas el novjara bildo, papertondaĵo,
ombroteatro, pupteatro, tinkturo kaj teksado. Pli ol 1400 objektoj
el diversaj lokoj estas ekspoziciataj. La ekspozicio elmontras ĉinajn
riĉajn nemateriajn kulturajn heredaĵojn kaj la frukton en ilia protektado
pere de teksto, reala objekto kaj surloka prezentado.
33 heredaĵoj de Ĉinio estis metitaj en la liston de
la Mondaj Heredaĵoj de Unesko. Inter ili estas 24 kulturaj heredaĵoj,
5 naturaj heredaĵoj kaj 4 kulturaj kaj naturaj heredaĵoj. Krome,
4 nemateriaj kulturaj heredaĵoj, inkluzive de Kunqu-opero, ĉina
antikva kordinstrumenta arto, Muqam de Xinjiang de Ĉinio kaj “Mongola
Urtiin Duu” de Mongolio, estis metitaj en la liston de Nemateriaj
Kulturaj Heredaĵoj de la Homaro.
|