La 10-an de junio oficiale komenciĝis en Pekino la Tutlanda Energioŝpara Propaganda Semajno de Ĉinio 2007.

La temo de la semajno estas "ŝpari energion, redukti ellason kaj disvolviĝi science". De la 10-a ĝis la 16-a de junio diversaj lokoj de Ĉinio alprenas serion da propagandaj agadoj pri energioŝparo.

Dum la semajno okazas en Pekino la Pekina Energioŝpara kaj Medioprotekta Ekspozicio; la 12-an de junio oni fermas klimatizilojn la tutan tagon en oficejoj de la Ministerio de Trafiko de Ĉinio; dum la semajno, la klimatiziloj en oficejoj de la Anhui-provinca registaro malfunkcias du horojn ĉiutage kaj liftoj ne haltas sub la 6-a etaĝo; Ŝanhajo okazigas energioŝparan kaj medioprotektan ekspozicion, internacian interŝanĝan kunvenon pri energioŝpara tekniko kaj edukado pri energioŝparo.