La 22-an de januaro, la Xinhua-a Novaĵ-Agentejo de Ĉinio publikigis "Decidon de la Centra Komitato de la Komunista Partio de Ĉinio kaj la Ŝtata Konsilantaro de Ĉinio pri ĉiuflanka fortigo de laboro pri loĝantaro kaj naskolimigo por unuece solvi la problemon de loĝantaro", en kiu Ĉinio montras sian decidon senŝanceliĝe iri la vojon kun ĉinaj karakterizoj por unuece solvi la problemon de loĝantaro, stabiligi malaltan naskokvanton kaj altigi kvaliton de la naskitoj.

La decido montras, ke estas bona la ĝenerala situacio pri la ĉinaj loĝantaro kaj naskolimigo. Tamen multega loĝantaro kaj streĉaj rilatoj inter loĝantaro kaj resursoj kaj medio estas elstaraj kontraŭdiroj kaj problemoj en konstruado de bonhava kaj harmonia socio.

La decido proponas, ke la totala nombro de loĝantoj en 2010 (ekskluzive de tiuj de Hongkong, Makao kaj Taiwan) estu limigita je malpli ol 1.36 miliardoj. Por tio Ĉinio devas senŝanceliĝe persisti en la fundamenta ŝtata politiko pri naskolimigo kaj stabiligi la nunan politikon pri naskado.