La 31-an de januaro ĉina prezidanto Hu Jintao intervidiĝis kun kameruna prezidento Paul Biya en Jaundo. Ili interŝanĝis opiniojn pri ĉina-kamerunaj rilatoj kaj komune atentataj problemoj.

Hu Jintao atingis Kamerunion en la 30-a. Li esperas, ke la vizito povos intensigi interkompreniĝon kaj fidon de la du flankoj, profundigi la tradician amikecon inter la du landoj, akceli kunlaborojn en diversaj kampoj kaj antaŭenpuŝi la ĉina-kamerunajn rilatojn al nova ŝtupo.

Kamerunio estas la unua el la 8 afrikaj landoj vizitotaj de Hu Jintao. Li vizitos ankaŭ Liberion, Sudanon, Zambion, Namibion, Sud-Afrikon, Mozambikon kaj Sejŝelojn. Hu Jintao emfazis, ke ĉi tiu vizito estas amika kaj kunlabora vojaĝo cele fortigi la tradician amikecon inter Ĉinio kaj Afriko, efektivigi taskojn difinitajn en la Pekina Pinta Konferenco de la Ĉina-Afrika Kunlabora Forumo, vastigi kunlaborajn kampojn kaj akceli komunan disvolviĝon.