Unua paĝo >> Aktualaĵoj

La Unua Ĉina Semajno de Urba Publika Trafiko komencita

La 16-an de septembro komenciĝis la Unua Ĉina Semajno de Urba Publika Trafiko.

La aktivado daŭros de la 16-a ĝis la 22-a de septembro en 108 urboj inkluzive de municipoj Pekino, Ŝanhajo, Tianjin. Oni energie proponas la koncepton de verda trafiko kaj alvokas urbanojn praktiki piediradon, bicikladon kaj veturadon per publika trafikilo.

Koncerna respondeculo de la Ministerio de Konstruado de Ĉinio informis, ke la temo de la aktivado estas "Verda trafiko kaj sano".

La sistemo de verda trafiko konsistas el piedirado, biciklado kaj veturado per publika trafikilo. Tio estas trafika sistemo kun daŭrigebla disvolviĝo konforma al la disvolva tendenco de medio de loĝado en la urboj.