Lastatempe la Ministerio de Sano de Ĉinio promesis
en la nomo de la ĉina registaro, ke Ĉinio ĉiuflanke antaŭenpuŝos
konstruadon de la kampara kuraco-garantia sistemo kaj realigos en
la jaro 2010 la celon, ke la kampara kuraco-garantia sistemo fundamente
kovros la kamparajn loĝantojn.
La 2-an de novembro fermiĝis en Pekino la internacia
simpozio pri primara higiena sanitara disvolvado de la ĉina kamparo,
kune okazigita de la Ministerio de Sano de Ĉinio kaj la Monda Organizo
pri Sano. En la nomo de la ĉina registaro, la Ministerio de Sano
de Ĉinio faris serion da promesoj en la simpozio.
Ĉinio promesis plimultigi mon-asignon de la registaro
al la kamparo kaj malproksimaj regionoj, kaj starigi tri-nivelan
sistemon de kuraca higiena servo kovrantan guberniojn, subguberniojn
kaj vilaĝojn de la tuta kamparo.
En la nomo de la ĉina registaro, la Ministerio de Sano
de Ĉinio elmetis la "Pekinan Iniciaton" kun jena enhavo:
atenti pri disvolvado de la higiena afero de la kamparo kaj malproksimaj
regionoj, starigi la kompletan reton de primara higiena sanitara
servo, perfektigi la kamparan kuraco-garantian sistemon, pliintensigi
internaciajn reciprokadon kaj kunlaboron.
|