La 6-an de novembro okazis en Kremla Halo en Moskvo la ferma ceremonio de la "Ĉina Jaro en Rusio", kaj ĝin ĉeestis ĉina ĉefministro Wen Jiabao kaj rusa ĉefministro Viktor Zubkov.

En sia parolado Wen Jiabao diris, ke la reciproka okazigo de la Ŝtata Jaro estas grava rimedo por intimigi la longdaŭran amikecon de la du popoloj kaj ĉiuflanke altigi la strategiajn kunlaborajn partnerajn rilatojn inter Ĉinio kaj Rusio, kaj grava iniciato en la historio de interrilatoj de la du landoj. La pli ol 500 aktivadoj de la Ŝtata Jaro en la pasintaj du jaroj profundigis la politikan reciprokan fidon de la du landoj, antaŭenpuŝis praktikan kunlaboron, kaj tio estas brila paĝo en la historio de la interrilatoj de la du landoj.

En sia parolado Viktor Zubkov gratulis pro la sukceso de la "Ĉina Jaro en Rusio" kaj diris, ke Rusio volas kune kun Ĉinio senĉese solidigi kaj fortigi la strategiajn kunlaborojn laŭ la spirito de "Ŝtata Jaro" kaj fari la interrilatojn de Ĉinio kaj Rusio modelo de amika najbareco.

Post la ferma ceremonio la du ĉefministroj kaj aliaj gastoj kune ĝuis prezentadon de la Ĉina Ŝtata Filharmonia Orkestro kaj ĉinaj artistoj.