La 6-an de februaro, en Pekino, la ĉina registaro kaj Disvolva Programo de UN kune deklaris, ke ili investos 1.7 milionojn da usonaj dolaroj en ekspluato de puraj fueloj en Ĉinio por redukti ellason de forceja gaso.

Teknologiaj servocentroj de pura disvolvo estos establitaj en 12 provincoj kaj regionoj de Ĉinio. Tiuj centroj faros esploron pri ventoelektro, hidroelektro kaj aliaj puraj fueloj, enkondukos internacian kapitalon kaj helpos tiujn lokojn redukti ellason de forceja gaso.