La 12-an de novembro la 24-a sciencesplora grupo de
Ĉinio al Antarkto ekveturis de Ŝanhajo por plenumi sciencan esploradon
kaj loĝistikan garantion de Ĉinio en 2007-2008. Ili revenos al Ŝanhajo
en la venonta aprilo.
Ĉi-foja esplorado estas la unua agado de la ĉina plano
en la kvara Internacia Polusa Jaro, kaj la ĉina grupo faros sciencan
esploradon pri 37 temoj kaj renovigos 10 programojn pri loĝistika
garantio. Dum tiu ĉi esplorado, la grupanoj refoje iros al la plej
alta punkto de Antarkto -- la glacikupolo A kun alteco de pli ol
4000 metroj super la marnivelo por esplori la evoluan leĝon de glacikrusto
kaj desegni topografion de la glacikrusto en interna tero de Antarkto.
Krome, la sciencesplora grupo ankaŭ konstruos la unuan astronomian
stacion en tiu regiono kaj elektos lokon por konstrui la 3-an sciencesploran
stacion de Ĉinio en Antarkto.
|