Lastatempe Libio oficiale konfirmis partoprenadon en la Ŝanhaja Monda Ekspozicio en 2010. Ĝis nun 48 afrikaj landoj, kiuj havas diplomatiajn rilatojn kun Ĉinio, certigis partoprenadon en la ekspozicio. Tio kreis novan rekordon en la 150-jara historio de la Monda Ekspozicio.

Laŭ konigo de la Kunordiga Buroo de la Ŝanhaja Monda Ekspozicio, ĉi-foja ekspozicio estos la unua sinteza ekspozicio okazonta en evoluanta lando. La ĉina registaro speciale donis helpan monon je 100 milionoj da usonaj dolaroj al evoluantaj landoj. Post sendado de oficialaj invitiloj subskribitaj de ĉina ĉefministro Wen Jiabao en marto de 2006, ĉiuj afrikaj landoj respektive certigis partoprenadon.

La ĉina registaro tre atentas la kvaliton de la ekspozicio de afrikaj landoj. Ĉina vicĉefministro Wu Yi esprimis antaŭe, ke la ĉina registaro faros intimajn kunlaborojn kun afrikaj landoj kaj bone konstruos ekspoziciejon de afrikaj landoj. Nun la organizantoj de la Ŝanhaja Monda Ekspozicio establis interfluan sistemon kun afrikaj landoj kaj iliaj ambasadorejoj en Ĉinio.