La 19-an de novembro en Pekino, Lai Ming, respondeculo de la Scienca-Teknologia Departemento de la Konstrua Ministerio de Ĉinio diris, ke Ĉinio alprenas serion da rimedoj por realigi la celon ŝpari 110 milionojn da tunoj da norma karbo en konstruado, kadre de la "11-a Kvinjara Plano" en 2006-2010.

Li diris, ke la konstrua ministerio ĉi-jare plifortigis la inspektadon super fueloŝparado en konstruado de oficdomoj de ŝtataj organoj kaj grandtipaj publikaj konstruaĵoj kaj daŭre disvastigos aplikadon de regenerebla fuelo en konstruado.

En Ĉinio ĉiujare la konstrua areo atingas 2 miliardojn da kvadrataj metroj. La fuela konsumo en konstruado okupas 30% de la totala konsumado. Ĉinio posedas grandegan latentan forton en fueloŝparado en konstruado.