La 20-an de novembro okazis la 8-a Kunveno de la Gvidantoj de Ĉinio, Japanio kaj la Korea Respubliko en Singapuro. Ĝin ĉeestis ĉina ĉefministro Wen Jiabao, prezidento de la Korea Respubliko Roh Moo-hyun kaj japana ĉefministro Yasuo Fukuda.

Roh Moo-hyun prezidis la kunvenon. Li diris, ke la Nordorienta Azio estas unu el la regionoj kun granda forto, tamen ĉiuj landoj devas fortigi kunlaboron. Wen Jiabao diris, ke Ĉinio volontas fortigi interkomunikadon kun Japanio kaj la Korea Respubliko por intensigi regionan kunlaboron. Fukuda diris, ke Japanio volas kunlabori kun koncernaj landoj por solvi la problemon en Nordorienta Azio, precipe la problemon de regiona sekureco.

La gvidantoj de la tri landoj diskutis pri kunlaboro en medi-protektado, scienco, teknologio, kulturo kaj junula intervizitado kaj atingis komunan opinion, kaj ekzamenis kaj pasigis la raporton pri progreso de kunlaboro de Ĉinio, Japanio kaj la Korea Respubliko en 2007.