La 26-an de novembro, Ĉinio finkonstruis la unuajn ekzemplajn ekspoziciejojn por la Ŝanhaja Monda Ekspozicio (ŜME), inkluzive de komuna kaj luebla ekspoziciejoj. Ili estos modeloj por aliaj ekspoziciejoj de ŜME.

Dum ŜME la partoprenantaj landoj de ŜME povos ne nur uzi tiujn ĉi du ekspoziciejojn, sed ankaŭ mem konstrui ekspoziciejon. La komunaj ekspoziciejoj investitaj de Ĉinio estos senpage uzeblaj de evoluantaj landoj, kaj la lueblaj ekspoziciejoj estos projektitaj kaj konstruitaj de Ĉinio kaj dekoritaj de luantaj landoj de ŜME.

Por ŜME oni konstruos pli ol 100 ekspoziciejojn por landoj kaj internaciaj organizoj, 3 temajn ekspoziciejojn kaj 16 ekspoziciejojn por entreprenoj. La konstruado de la ekspoziciejoj por ŜME finiĝos en decembro de 2009.